بطليت

سامي عبد المنعم

الحوار المتمدن-العدد: 4089 - 2013 / 5 / 11 - 00:36
المحور: الادب والفن
    

بطلت ...
ماريد منك طيف
بس خليني أنسه
بطلت أعلگلك ادموعي شمع
تحسبها ونسه
بطليت ...
ياما صبرت الليالي
أو عمرتلك ألف كاس
أو ما إجيت ...
انته شايف ثگل حزن الليل
لو طار النعاس
أوصارت إسنين الدقايق
مثل حزن الكاوي ابلاية ربابه
او حال بلبل
يعتني البستان وايشوفه خرابة
او جيب ليل
او ودي ليل
وانته بس اتريد تسمع
من سهر جفني عتابه
آنه مرات امنشوفك
چني شفت الكون كله
غفله ياخذني الوكت
لو ردت أجيسك
اتغيب روحي وأطفه وحدي
مثل رازونة سجن
زقفلها شرطي اوراح
والمفتاح بيدة
أيسيت ...
أو صار أثر زنجار بيه
أو تدري بالزنجارمن يولي الحديدة
تلوهتني أو خلص خلگي
وإنته خلگك خلگ شاعر
من يذب شص القصيدة
طولك إمراية عرس كلش جديدة
أو عرس گمرة
وآنه چن وحشة مسيت اغروب
والدنية ممطره
إتروح صفنه
أو ترد حسرة
آنه مللت الخسارات
أو بعد خايف على شنهو الاخسره
دير كاسات الونين
أو عيش يومك
طفي كلشي وإنتشي
أو خل تلعب ابراسك الخمرة

#سامي_عبد_المنعم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل