القصة الحقيقية، وبالتفاصيل لرسالة أوباما المسمومة

نضال نعيسة
كاتب وإعلامي سوري ومقدم برامج سابق خارج سوريا(سوريا ممنوع من العمل)..
(Nedal Naisseh)

الحوار المتمدن-العدد: 4066 - 2013 / 4 / 18 - 23:29
المحور: كتابات ساخرة
    

يعني هدون الأمريكيين ما راح يبطلو جحشنة وزعرنة وقلة حياء. يا هنن حمير فعلا أو مفكرين أنو هالبشر كلهن حمير. بخصوص الرسالة المسمومة ع أساس للمدعو أوباما، أبو حسين الكيني زعيم جبهة النصرة الأمريكية، يعني منتصور القصة هيك صارت حسب الرواية الأمريكية:

أنو تخيلوا المشهد يعني بيكون أوباما هيك قيعد مسلطن، عم يتعشى ع الحصير، وعم يفقع له كاسة عرق هيك المسا مع ميشيل، وهالاولاد جواليه عم يرغطوا، وحاطين قرص شنكليش ومفركة بطاطا وصحن زيتون، وتين ييبس، وعم يتابعوا قناة الجزيرة وانتصارات الثورة بسوريا وتحريرها لـ70% من سوريا، بعدين بيندق الباب، بيقلها أوبا قومي افتحي هالباب يا مرة، بتقوم ميشيل بتفتح الباب، بيطلع ساعي البريد ع البسكليت، بيقلها خالتي ميشيل وينو عمي أبو حسين أوباما، جايتو رسالي أبعرف من وين، بتقوم ميشيل بتقله، فوت تعشى واعين خالتك، وهات عينها لخالتك أم حسين أنا بعطيها لبو حسين، بيقلها لا هاي رسالة مشزلي (مسجلة)، وهو لازم يستلمها ويجيب معو الهوية خالتي أم حسين؟ ، بتقول له أم حسين الكينية، الحرم المصوم لأبو حسين الكيني، إيه طبعا معقولي، والله أبيمشي ولا خطوة بلاها هداك اليوم طلع بدل ضائع، بعد ما ضاعت منه بانفجار بوسطن، وجاب اخراج قيد جديد من مختار شيكاغو، بتقوم ميشيل أم حسين بتعيط ع باب البيت وا بو حسين، بيرد أوباما بيقلها: أي وا عيني شو في، بتقلو جايتك رسالي تعا استلمها، بيقوم أبو حسين الكيني بيقول لساعي البريد تفضل واخيي فوت تنشربلنا كاسي، عرق تين بلدي متلت (مثلث)، متل الدمعة، مبارح جبتهم من الكلكة من عمك بو علي الجولاني قبل ما يلتحق بالثورة، بيقوم ساعي البريد بيقول له، والله ما لي حيل، وما فيني مـْوَتـّب وضهري ميجعني ورايح عندي الظواهري يمسك لي هالوتاب الملعون، بيقوم أوباما بيقول له شو في ما قلت لي، بيقول الساعي لأوباما خيد هالرسالي ما بعرف من مين، ووقع لي هوني، بيقوم أوباما بيستلم الرسالي وبيفتحها، وبس يفتحها، بلا معنى، بيقوم بيعبق بهداك الصوت المقلوب، متل الجقل الجفلان، واسم الله تسمي، بتقوم ميشيل بتقول لساعي البريد الله لا يوفقك شو عملت بالزلمي، هلق كان ما أحلاه، وعم يشرب كاسي ومبسوط، بيجوا تبع الإف بي آي، اللي بيكونوا قيعدين تحت الزرنزختة (اسم شجرة محلية)، بيسمعوا العياط، والصراخ، وبعيق أوباما، وأوباما بيكون قلب ع ضهرو متل الصرصور من المادة السامة، وميشيل جايبتلو كاسة مية وبصلة، وبيسعفوه ع مايوكلينيك، وبتجي السي إن إن، وبيلتموا الجيران، وبتجي هيلاري بقميص النوم، وجون كيري بالبيجاما، وبيحملوه مع الممرضين ع سيارة الإسعاف،

في متل هيك هبلنة وتجحيش وتحشيش؟ بس لسه ما خلصت القصة: يقوموا بيعتقلوه لساعي البريد وبيرفعوا المساعد جون فلقة من تحت الدست، وبيعترف ساعي البريد أنو قبض 500 دولار من عميل لإيران ليوصل الرسالة لأوباما. وتوتي توتي خلصت الحتوتي.

(بتصير ليش لأ طالما في مهابيل ومصاريع متل الأمريكان، وحمير بتصدق كذبهن).

يعني معقول تفوت رسالة لرئيس دولة عظمى بها الشكل" يا هنن حمير يا نحن الحمير؟

#نضال_نعيسة (هاشتاغ)       Nedal_Naisseh#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل