وحشانى يانور عينى

عبدالله صقر

الحوار المتمدن-العدد: 4022 - 2013 / 3 / 5 - 01:02
المحور: الادب والفن
    

وحشانى يانور عينى
وحشنى صدق كلامك
وحشنى طينك وريحة ترابك
وطيبتك وأبتسامك
وحشنى الورد والحنة إل على خدودك
وحنان قلبك ولون عيونك
وحشنى كبرياءك
إل عمره ما لان لغيرك
............................................

أنا موش قلقان عليكى
رغم الآزمة إل بتمر بيكى
عارف إن أهلك بيحبوكى
وموش ها تهونى عليهم
لآنك وردة فى بستان
ودايما حاضنة الآنجيل والقرأن
وحشانى منين أروح فى أى مكان
ولو قعدت فى ركن من الآركان
أقعد أفكر فيكى لآنك بلد الآمن والآمان
وحشانى دوما يا حامية عيالك
ولو بعدت عنك
وأفضل أبكى بكاء مرير
أبكى على أيامك
ويأخذنى الحنين ليكى
ولما أرجع أخدك بأحضانى
ألاقيكى لسة موش نسيانى
ولما أبعد عنكفى يوم
يبقى غصب عنى
إما عشان أشتاق ليكى من تانى
أو إنى بدور على رزق
يعيشنى وسط خللانى
رغم حبى ليكى الكبير
لكن للأسف روقك قليل
رزقك شافطه على طول حكامك
وإحنا يادوب بناخذ اللقمة الساقطة منهم
علشان كده دايما متغربين
متغربين إما فيكى ... أو أننا بنطفش
فى بلاد بعيدة
بنتعرض فيها للمهانة
ونسكت علشان أمنا فقيرة
وموش مشبعانا
هى دى الحقيقة
..........................................

ممكن ينضحك علينا مرة
لكن موش ممكن نشوف
من تانى أيام مرة
يا ترى تطلع أيه النهضة
إل جابت لينا الجلطة
يا ترى هى واقع ولا خيال
هى حقيقة ولا محال
هى أغنية ولا موال
يا ترى النهضة
نهضة معنوية
ولا نهضة لحمة مشوية
عاوزين نعرف لآن أجسامنا
بقت مشوية
ما عدناش متحملين أى واحد
يضحك علينا
أو يزيد
فقرنا من تانى
وكفاية أن بلدنا تايه
بين الآقدام
وكل واخده الآنقسام
والآقذام عاوزين يخلونا أقذام !!!

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل