طقاطيق مرفوسة – على الواقع وأيامه- طقطوقة 6

محمد طلعت

الحوار المتمدن-العدد: 3963 - 2013 / 1 / 5 - 15:29
المحور: كتابات ساخرة
    

كانت...
نهاية سنة فطيس جلبت لنا أيام محظورة.. فكت عُقدها على الشعب المحصور.. اللى عاش عمره فى قفص محبوس وبدنه بلبوص.. وبأمر الحاكم المهووس.. خلاه يبوس كفوف شطط الشيوخ.. قاموا على الخراب اتعهدو وحطوا الثورة جنب الجدار المشروخ.. كل اللى يفوت يدب ايده فى قعر القُفة.. يغرف ويكبش ولبسنا فى الآخر بالمقلوب القُفة.

والمفروض بالليالي الأولى للسنة الجديدة ديه.. نرقى مصر المحسودة من عين الإخوان الأشرار ونجيب تلات شيوخ "أزهرية" يقروا القرآن ويختموا عدة يس مع "قسيس" يعمل قنديل.. مع صينية فتة بلحم خروف تعملها أم محمد.. أو لو سعر الخرفان غالى، وما فيش دقيق عشان نخبز يبقى أمرنا لله.. نعمل بقى مرشد ورق ونخرم عينه ونحرقه، أهو يمكن ينفك نحس بنت المنحوسة دىه...! وكدا تبقى تمام وتعبر مصر ينايرها الجديد من غير عكوسات.!

الأقباط المسحيين بشكل عام حارقين أوي الخرفان.. فأي مصيبة بتحصل فى مصر وراها"المسحييييين" من: قطع كهرباء، تفجير أنابيب الغاز لإسرائيل.! انهيار الاقتصاد المصري وضعف الجنيه أمام الدولار، دا غير الاختراع الجديد بتاع الرسومات المسيئة للرئيس مرسي.. ومش كدا وبس لكن وصل خيالهم إلى عمق التاريخ وتلويث أي سماحة مسيحية حتى لو كان متخيل.. وانتشرت عبر اللجان الخرفانية حرب ضروس على شخصية "عيسى العوام" المسيحى فى فيلم "الناصر صلاح الدين" بأن(شخصية العوام فى الفيلم كمسيحى غير حقيقية بل كان مسلما ومات غرقا أثناء حصار عكا وأيضا قصة حبه مع لويزا كانت غير حقيقية حيث إن لويزا أصلا من وحى مؤلف القصة ليس لها وجود فى كتب التاريخ).!

تصدقوا أنا زعلت إن ماكانش في لويزا من الأساس.! شوفتم أخرة المأمأة بتعمل ايه؟ القطيع مش قادر يفرق بين فيلم سينمائي مستوحى من التاريخ وبين التاريخ نفسه. وكان ناقص فعلا يقولوا ويثبتوا لنا أن مخرج الفيلم "يوسف شاهين" مسلما وأسلم قبل ما يموت بخمس دقايق.! وده طبعا أخرة حك الخرفان وريحتهم اللى أدت إلى انتشار انفلونزا الخرفان.!

ولتداعى انتشار انفلونزا الخرفان قالوا كمان:(((بالرغم من نمو اقتصاد تركيا المعروف.. لازال العلمانيين المناهضين لاردوغان مقتنعين ان البلد محصلش فيها نهضة.. اهداء للمحبطين هنا)))، وطبعا الخرفان عندهم حق فى كدا.. وهم بس اللى حاسين بالنهضة، لأنهم وبس هم اللى بيحشوا كل يابس واخضر فى البلد والبركة فى بوس ايد المرشد ودبايح خرفان وبقر جمال ابو اسماعين.! لكن مش ذنب باقى الشعب- بتاع الجبنة النستو- اللى مش حاسس بالنهضة لانه ممصوص الحيل، البركة فى المنفوخين اللى بيمتازوا بضحامة اللية النهضاوية اللى فيها ريش.!

والمتشيخ الشخاخ اللى يقولك "شريعة فى مصر.. واندلساه" قوله روح " امصص بظر المرشد" يا أعمى البصيرة، وحرر واطعم أطفالنا فى مصر افتح قوس ومتقفلوش وحط فيه الجولان والقدس وكام جزيرة اللى محتالهم أسبانيا في المغرب.. ولو دكر هوب كدا ناحية أندلسك..! قبل ما تعمل يا عريان قنصل وز على المسلمين روح اعملها على أعداء المسلمين يا نطع الترحيب بعودة اليهود.! آه، يا بتوع الأندلس يامنفوخيييين..

وعلى فكرة، المومس الحقيقية هى التى تتنقد وتقلل من قيمة الرجال الحقيقيين حتى تستفزهم ويسقطون تحت إمارتها.
هكذا أنت يا مرسي وأتباعك فى انتقادك لرجال مصر من الثوار ...
ملحوظة:(كلمة مومس مش عيب دا كان الرسول بيقولها عادي يعنى.. والرد يبقى على حجة الوقاحة شيخ القحة أبو إسلام.).!

عشان كدا لازم نقول:
لا.............................
كلمة الحق ديما وحيدة وغريبة.. وكان ديما أصحابها قلة مندسة وسط القطيع وأصحاب المؤخرات المترحرحة المريحة..!

#محمد_طلعت (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل