حيدر الحيدر
الحوار المتمدن-العدد: 3928 - 2012 / 12 / 1 - 01:14
المحور:
الادب والفن
قطار العمر
ـــــــــــــــــ
شبابك راح واتمزگ
شراعك رَنّح وطَگطگ
يللي عبرت سبع بحور
بنهران الدغش تغرگ
يا وسفهْ وألف ياحيف
تِزلّ جدامك وتزلگ
وَي آخر نفس رديت
تلاوي چفوفك وتشهگ
بعد شتفيدك الحسرات
لتكابر چذب تزهگ
قطار العمر صاح وفات
وإنته السچته تسحگ
لوِّن تالي العمر تركض
أبد صدِّگني ما تلحگ
نصيحهْ وگالت الأيام
حذاري بيَّه لا تلزگ
لتصدِّگ تِرد وتعود
وراحي براحتك تصفگ
لجلبنك سبع طويات
طريح بخانة العتگ
دخيلك لا تطگ بحشاي
خل نحچيهه طگ بطگ
زمانك راح يا مهيوب
فنّك تطفر الخندگ
چم مرَّهْ گلتلك جوز
غراب البين لا تنعگ
ــــــــــــــــــــــــــــــ
حيدر الحيدر
15/ 10 / 2012
رد على كلمة قالها الصديق مراد علي ( على الفيس بوك) من السويد :
( انت ظل داهر لما يفوتك القطار ...! )
#حيدر_الحيدر (هاشتاغ)
كيف تدعم-ين الحوار المتمدن واليسار والعلمانية
على الانترنت؟