تْلات ضْيوف

غيورغي فاسيلييف

الحوار المتمدن-العدد: 3815 - 2012 / 8 / 10 - 23:13
المحور: الادب والفن
    

تْلات ضْيوف

مرأة/مَرا طِلْعِت من بيتا وشافِت قِدّام البيت تلات شْيوخ دْقونون طْوال وبيض، وكانوا قاعْدين بِأَرْض البيت، والمرا ما كانت بتعرفون. وقالِت لون ما بْظِنّ إنّي بَعْرَفْكون، بَسّ يِمْكِن إنتوا جوعانين. تْفَضّلوا فوتوا عالبيت وكلوا لَقْمِة.
سَأَلوّا: "رَبّ البيت مَوْجود؟"
المرا جاوَبِت: "لأ، هوي هلأ مو بالبيت، هوي طلع وبعد شوي بيرجَع".
الشيوخ قالوا بصوت واحد: "إذَن، ما مْنِقْدِر نْفوت حَتّى يِِرْجَع صاحِب البيت".
المرا قالت: "لَكَن أنا رح جِبِلْكون الأكل لهون".
الشيوخ قالوا: "كمان ما مْنِقْدر ناكُل من بيت صاحبو غايب ومو مَوْجود"
نْشَغَل بال المرا كتير لأنو هادا أمر مو مِعْتاد بِهَدوليك المناطِق. الناس عادة بيفوتوا وبياكْلوا بِغَض النَّظَر عَن إنّو صاحب البيت موجود ولا مانو موجود.
رِجِع صاحب البيت وفات عالبيت من الباب الخَلْفي لأنو كان عم يِِشْتِغِل بِأَرضو البعيدة خلف البيت.
مَرْتو حَكِت لو شو صار معا الصبح مع هدول التّْلات الشّْيوخ.
الرِّجّال قال لَمَرتو: "أنا رايح غْسِل إيدَيِّ، إنتي روحي عْزِمي الشيوخ ياكلوا لون لقمة ويِِرْتاحوا شوي".
المرا طِلْعِت من البيت وعَزِمْتون، بسّ الشيوخ قالو لا: "نحنا ما منفوت على أيّ بيت سوى".
سْتَغْرَبِت المرا، وسألِتون: "ليش؟"
واحد من الشيوخ قام وقال: "هادا أخي اسمو "الثَّرْوِة"، وهداك أخي اسمو "النَّجاح"، وأنا أكبر أخ فيون إسمي "المَحَبِّة"، وهلأ فوتي وتْناقشي مع زوجك مين بدكون منّا يفوت عالبيت".
المرا رِجعت وخَبَّرِت زوجا. الزوج نْبَسَط كتير وقال: "شي كتير حلو، طالما الأمر هيك، خلينا نعزم "الثروة" لأنو رح يجعَلْنا أغنيا كتير، روحي عْزِميه".
المرا ما وافَقِت وقالت: "يا رجّال، ليش ما منعزم "النّجاح"؟
كَنِّتون (زوجةْ إبنون) كانت قاعدة بزاوية البيت عالصوفا، قالت لون: "أحسن شي نِعْزِم "المحبة"، وعندا رح يمتلي بيتنا بالمحبة".

صاحب البيت قال لمرتو: "خلينا ناخد بنصيحةْ كَنِّتنا"، روحي عزمي "المحبة" يصير ضيفنا".
طِلْعت المرا وسألت الشيوخ: "مين منكون "المحبة"؟
فَزّ واحد منون وقال: "انا".
المرا: "تْفضّل معي وكون ضيفنا".
الشيخ "المحبة" مشي عالبيت. الشيخين التنين التانيين كمان فزوا ومشوا ورا أخوون "المحبة".
المرا ندهشت وقالت للشييخين: "أنا عزمت "المحبة"، ليش إنتوا فايتين معو"؟
الشيخين جاوبوا: "لو كنت عزمت " الثروة" أو " النجاح" كانوا حتما التنين الباقيين بقوا هون برّا، بسّ انتي عزمتي "المحبة" ولهيك وين ما بيروح "المحبة" دائما منروح معو، وين في محبة في ثروة وفي نجاح"!!!

2005

#غيورغي_فاسيلييف (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل