(( نفاق الرفاق في العراق ))

جواد القابجي

الحوار المتمدن-العدد: 3740 - 2012 / 5 / 27 - 12:39
المحور: الادب والفن
    

إجت أسراب الجراد
وصفت نقمه اعللعباد
************
عالعراق اليوم صفّن
ولا گلوب اعليه حنَّن
كل مصايبهم إلتمَّن
قتل والبوگ او فساد
*************
يا اسلام ويا عمايم
كلمن ابدولاره هايم
والشعب خدروه نايم
بس عذاب او اضطهاد
**********
جهل والأميّه كثرت
والبطاله اضعاف صارت
والجوار اعلينه جارت
كلها من ساسة اوغاد
************
فرِّقوا عملوا شقاق
والنفط بس للرفاق
ساعدك الله العراق
ساستك صنعٍ معاد
( لاستيك مُعاد ).. مع الإعتذار للنعل
*************
صرنه نبني بس جوامع
موش لله للمطامع
والأيتام اعله الشوارع
مهم شعبك يبقه راكع
حتى ميشوف الفساد
************
والوطن باعوه يـــــــابه
والفقر غرست انيابه
لا أهل وخوَه او صحابه
وصحنه .. رحمه اعله المُباد
***************
النوب كلمن لزم كرسي
ايصمُّغه ویگعد او يرسي
ولازم اعله الشعب يقسي
ماكو غَيرَه ابهالبلاد
**********
اتگول هوَّه امن الله نازل
وبيده تحريك الزلازل
هوّه ظالم هوَّه عادل
جايب امن الله اعتماد
**********
اشجاب دين اويالسياسه
وشيخنه ضيَّع قياسه
عاف الله او للرياسه
ركض ويسمِّيه جهاد
***********
هذا شعبك رد فقير
جهل وأميّه او كسير
من وراكم ياحمير
كافي تذرون الرماد
***********
هذا وك مو ( خَيْلي خوب )
همَّك ابترس الجيوب
شوكت لله اترد تتوب
توب ورْحَمْ .. كافي عـــــــــــــاد
نقمه صرتم عالعباد ..!!!!!!!
****************************

#جواد_القابجي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل