حصادنا الأخير

جواد القابجي

الحوار المتمدن-العدد: 3603 - 2012 / 1 / 10 - 09:01
المحور: الادب والفن
    

تخاصموا .. تماصصوا .. مصالحه
تگاسِموا .. راح الشعب للمشرحه
************
مرّت اسنين او معركتهم داميه
ماكو ثقه .. ونيّاتهم مو صافيه
مو للشعب .. گعدة الكرسي دافيه
وكل يوم هرج اومرج والمناطحه
***********
دم الشعب مومهم .. صاير ساجيه
والقايد ارهابي طلع .. بالعافيه
اوحارسنه يتستَّر صُبح عالمافيه
وياهو الذي يسوه العتب ونفاتحه
*******
فوگ الجماجم شيِّدوها اقصورهم
وجسامنه صارت جسر .. لنذالهم
اوصارت الدولارات كل إيمانهم
وع الوطن صاروا چلوحوش الجارحه
**********
سوف سنعمل سنكون اوهكذا
ماشفنه منهم بس خطابات او أذى
او وكت الفعل .. بحجورهم كالجُرَذا
لوحاسبت گالولك احنه للشعب ولصالحه
**********
ذيل الچلب .. نعرف ابد ماينعدل
والعبث مايتنازل ايرد للأصل
نسينه المقابر سجن تشريد وقتل
ورجعنه للمجرم .. نبوسه انصالحه
***********
واللهِ عيب انسامح الهلجهله
ننسه العبث معقوله .. وشما فعله
ونرد نصافح إيدهم .. هالقتله
لا .. نمشي لازم بالخطوط الواضحه
**********
رِجل بالدوله .. او رجل ترهب الناس
على ميَّة حبل تلعب هالأجناس
ماكو عيب اومستحه اوماكو احساس
هذا إنتاج البطل .. ابن اصبَحّه
****************

#جواد_القابجي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل