بين الكرسي وبين الناس

جواد القابجي

الحوار المتمدن-العدد: 3650 - 2012 / 2 / 26 - 10:30
المحور: الادب والفن
    

ردت للكرسي أعاتب
وگفت ايدي والقلم ..!!
گتله حت ْ إنتَ تخالف .. يا قلم ..!!
گال ميخالف كفايه ..
ما شبعت امن الألم >> >>??
گتله علكرسي نويت أكتب لوايح
فوگها ايرفرف .. عَلَمْ
او گلت للذكرى .. أخط كل الوعود
إلچانت ابكل راس شارع
وبصورهم والخَتم
وكتب اشكبره .. شــــــــــــــــــــــــعار
اطويل وعريض او أبد ماله حدود
(( ياشعب ماردنه منَّك .. غير صبرك والصمود))
گال كل هذا تريده على الكرسي ..!!!!!
بعد كل هذا الحمل .. ما ينكسر ..؟؟؟
گتله وك .. چاليش لا ..؟
موش آنه ابنادم .. او دَم او لحم ..؟
شوفهم ما عبَّروني
واني صرت إلهم .. جِسِر
ياحسافه ياقلم .. عللي جَره
شعب كلّه ايضيع .. بين القشمره
والضماير ضاعت ابنص الـــ .........
ياشعب الله يعينك
صرت ساحة ملعب اوراسك .. كُرَه
اسنين مرّن .. جمِّدوا بيك الوعي
ردَّت اعليك العجارب .. ونتَ صابر
وبعلو صوتك تصيِّح
يا عجارب .. إلسعي
******
اشكثر گلنه الينلدغ +++ مو مرِّتين
وبنفس ذاك الجحر +++ عِدنه الادين
******
هسَّه گمنه انصيح وين أصواتنه
راحت .. لوين ..؟؟
الصوج بينه ياكراسي
شبعوا بيها او غانمين
سِنة نوم الشعب ماخذ
لا تخافوا .. فزّه ماكو
العمر كلَّه .. نايمين
يا عجارب لسعي بينه .. مية مرّه .. مو اثنين
************************

#جواد_القابجي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل