اهانة الذات الملكية

مى مختار

الحوار المتمدن-العدد: 3706 - 2012 / 4 / 23 - 12:47
المحور: الادب والفن
    

قامت حرايق فى بلادى.. عجزوا يطفوها
كان حلم بادى ف يوم رمادى.. و الثورة خطفوها
عايزينها ذل و بالعافية
حرمونا أحضانها الدافية
شايفينه ساكت و مدلدل و كلامه بيجيبله الكافية
بيجلدونا عشان أحرار
طب خلو ضلمة ليلكو نهار
و احنا هنسكت و نحاول نطفى النار
كل جلدة و كل نقطة دم تنزل هتشوفوها
كوابيس و لعنة و ذل و عار
... يا حافى! ياللى طلعت على كتافى
بتسقى ابنى الظلم مرار
يا خاين! ياللى نهارك مش باين
ليك بلادى كباريه و بار
اهانة الذات الملكية ماهو اللى عندى صحيح حمار
و كلكو يحطوكو ف زكيبة..جاتكو خيبة
دلاديل عرب اسلام فيشار
لو ليكو رب بتعبدوه
و ليكو دين بتقدسوه
كانت بلادكو تحرروها
و تريليانكو على الغلابة تصرفوها
مش مول تجارى..و رحلات سفارى
قوموا الوساخة ده نضفوها
شيلو اللى قاعدين ع الكراسى و ف القصور بيحكموها
بلادى أنا اولى بيها يا تسيبونى يا تسيبوها
باسبورى جاهز من زمان و حياتى عايزينها خدوها

#مى_مختار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل