شدة ورد الى حبيب الروح

رافد علاء الخزاعي

الحوار المتمدن-العدد: 3638 - 2012 / 2 / 14 - 09:32
المحور: الادب والفن
    

شدة ورد لحبيب الروح.....
عمي يبياع الورد الورد وينه
المحبوب زعلان ويريدله شده ورد اوديله
عمي وردك حلو و عندك كل الالوان
واني حاير وولهان
عمي اريد من كل لون وردة
...اسويله باقة شعارها الحب والمودة
اريد وردة حمراء
بلون خدة
لان عمي كلش احبه
وشفايفي مشتاقة لبوسه منه
واريد وردة خضراء
بلون قلبه الواسع
حتى امليئه شوق ومحنة
واصير بوسطه
ادك...ادك....أدك....
وياه كلما اسمع اسمه
واريد وردة نرجس بيضاء
بلون حلمه
احلم وياه بوسط جنه
رسمنها سوى
اني وياه بعشكنا ودمنه
كوخ على النهر
يجمعنا ويلمنا
واريد وردة بنفسجية يعمي
اريد بيها اعبرله
عن حبي اللي ماينكظي ويا عمره
وواصفله بيها
احساسي ومشاعري ولهفتي
على حضنه...
وشوقي الى لمسة من نهده........
واريد وردة صفراء
بيها اغار عليه من الهوى
ومن كلمن يمر يمه
وعمي شدها بغار وياسمين
واكتبله من دمي
ترى اموت عليه واحبه
وابقى طول العمر.....
انتظر........
أنتظر.......
أنتظر.......
حتى احقق حلمه
الدكتور رافد علاء الخزاعي
14-شباط 2012
عيد الحب

#رافد_علاء_الخزاعي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل