أسألينى يا كبيرة أسألى

عبدالله صقر

الحوار المتمدن-العدد: 3624 - 2012 / 1 / 31 - 16:47
المحور: الادب والفن
    

أسألينى يا كبيرة

أسألينى كيف خذنى الشوق ليكى

أسألينى يا أمى

كيف الوصول إليكى

فأنا اللى حبك أكثر من روحى

لكن عمر صدك لى منعنى

من أنى أنام مغمض العينين

لآنى عشت فيكى غريب يا أمى

وأتغربت فيكى غصب عنى

طب أسألينى مين هو اللى كان سجانى

ومين هو اللى فى المسجون رمانى

مين هو اللى كان جلادى

ومين هو اللى كان جلاد

أسألينى عن الطاغوت

اللى كان بيحب لشعبه الموت

أسألينى عن أشلاء الضحايا

وعن زنزانتى اللى لسه للأن

عايشه جوايا

أسألينى عن أجسام الضحايا

أسألينى عن عمرى اللى ضاع

وعن اللى كان شاريكى

وأسألينى مين هو اللى باع

أسألينى عن سنين غربتى

وعن حبى ليكى ولهفتى

ولما كنت بسمع عنك

خبر موش كويس

كنت بنام الليل تعبان وبهيس

كانت بتزيد عليا لوعتى

وأفضل أتقلب على السرير

وكأنى سمة بتنشوى

وكأنى عايش فى حلم مرير

أسألينى وأنا بحلم بيك ليل نهار

وعن نيتى فى إنى أخليك

طول عمرك عمار

أسألى الناس كلها

من شرقها لغربها

هم كانوا بيناموا شبعانين ؟

ورزقنا كان بيروح لمين ؟

أسألينى كام ليلة

كنت بنام فيها جعان

وكام ليلة نمتها عريان

أسألينى يا كبيرة عن أيامى كلها

اللى كان طولها زى عرضها

أسألينى عن وظيفتى البسيطة

وراتبها البسيط

ولما كنت أجى أشترى حاجة لآبنى

كان قلبى بينزف ومن الداخل يعيط

أسألينى عن كام يوم عشت فيهم فرحان

وكام ليلة نمت فيهم فرحان

أسألينى ... وأسألينى ... وأسألينى

ها تلاقيتى حزنان وتعبان ومرضان

أسألينى با أمى أسألى

أسألينى وأنت على حالى ها تزعلى

أسألينى يا كبيرة أسألى

عبدالله صقر 30/ 1/ 2012

#عبدالله_صقر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات