ياللي بتقولوا مش محتاجين رسول

امال رياض

الحوار المتمدن-العدد: 3470 - 2011 / 8 / 28 - 01:16
المحور: الادب والفن
    

ياللى بتقولوا مش محتاجين رسول ...
بقى ده كلام معقول ... يا أصحاب العقول؟؟!!
لو كان القديم هو المختار .. مكنش حد احتار ..
ولا طلع بعد الليل نهار .........ولا أتجددت الفصول ..
ياللى بتقولوا مش محتاجين رسول....!!!
طب ليه نسينا فضائل الدين .. وبعدنا عن الأحكام والقوانين
ظلمنا يا ناس بأسم الدين ... قتلنا وقولنا ده شرع الله المتين
فسدنا ودمرنا يا مؤمنين ... واتخطينا المبادىء والقيم والأصول
وكل ده ومش محتاجين رسول ..
.. بقى ده كلام معقول
خلينا الدين أسم بلا روح ولا معنى
شغلنا نفسنا بالحرف!! ونسينا الجوهر والمعنى
دى العبرة فى الأساس مش فى الفروع اللى فى الهوا تعلا
ماهو الأصل لو مش متين يطلع الثمر ملوش معنى
ولا كلامى مش معقول....؟؟؟؟
ياللى بتقولوا مش محتاجين رسول
الدين عمره ما كان شعار أزين بيه المكان
ولا هو مجرد كتاب منقوش بالخط والألوان
الدين نهج ..... وطريق.... وسبيل لنور القلب والوجدان
قوه بتعدينى بر الآمان .... بتهدينى وتلهمنى العلم والعرفان
أمتى ظلام النفس يزول ..؟!!!
ياللى بتقولوا مش محتاجين رسول
كتاب الله زيناه بزينة وألوان مزخرفة
كل أهتمامنا ان يكون له شكل ورسوم متكلفة
جميل كل ده لكن ......!! أهملنا فيه المعرفة
ونسينا نهجه العظيم .. اللى كان لقلوبنا الدوا والشفا
تفتكروا مين المسؤول ........!!!!
ياللى بتقولوا مش محتاجين رسول
بكل جرأة كفرنا بعضنا .. مع ان ده مش حقنا
ده حق اللى فضله فى روحنا ودمنا
اللى خلقنا وسوانا .. وأمرنا نلم شملنا
لكن ياخسارة .. قدرنا بكل مهارة .. نقضى على نقاء وسماحة قلبنا
وقلبنا كل شىء معدول .. ونقول.... مش محتاجين رسول!!!
حبسنا روحنا فى سجن أسمه التقاليد
عادات فينا كبرت .. ويوم عن يوم بتزيد
وخدتنا عن دينا بعيد .. وبشطارة الفكر العنيد .. رفضنا كل جديد
مع ان لو كان القديم هو المختار .. مكنش حد احتار
ولا طلع بعد الليل نهار .. ولا اتجددت الفصول
ولا كنا انتظرنا اى رسول .. قولولى أيه هو المعقول
واحنا ضايعيين فى متهاهات .. صعب نلقى لها حلول
لسة بتقولوا مش محتاجين رسول ؟؟؟.

#امال_رياض (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل