أنا الشهيد

امال رياض

الحوار المتمدن-العدد: 3441 - 2011 / 7 / 29 - 22:47
المحور: الادب والفن
    

انا الشهيد أسمعوا صوتى وآهاتى ونهيدى
روحت أنادى بالحرية وسنابل الورد فى إيدى
أهتف وأقول ياشموع الحب نورى قيدى
ضحكتى فى عينى وبسمتى سبقت مواعيدى
فى لحظة لقيت البسمة دى ماتت
وغابت فرحة إبنى وليدى
لما سرقت الفرحة منى يا قاتل ليلة عيدى
قولى يا قاتل .. مش راح أحاسبك .. ولا راح اعتبك
بدى اقولك فين إحساسك ولا مشاعرك
ماتت ليه جواك أخلاقك .. راحت فيم بالذمة كرامتك
أنت بشر ؟؟ ولا حجر ولا إيمانك فجأة انشطر
نضف عقلك فكرك فاسد .. شيل من قلبك فكر الحاقد
ليه سودت نور أيامنا .. ليه عكرت صفو حياتنا
ليه وازاى القسوة أترسمت .. صورة مخيفة لنور أحلامنا
أبعد وش القبح ده عنا .. خلاص من الدرس أتعلمنا
ان الموت مش هو نهاية .. لأ ده بداية
أقتل أدبح .. عندى حماية روحى فى إيد الخالق وحده
وانت كفاية عليك القتل ده أكبر غاية
بايع نفسك وانت الخاسر .. بقيت أسطور لأحط حكاية
لا بتشوف ولاتسمع ولا بتحس بآنين الضحايا
أطفال وشباب وصبايا .. أيه ذنبهم .. وكان حلمهم .. عدل يكون ستر حماية
أمى الغالية مين بكاها .. مين عزاها
لما دبحنى الغدر فى لحظة وانا فى حماها
كتبن بدمى عهد جديد وسبته معاها
أمى ياحلوة .. يأجمل غنوة .. فى قلبى غناها
نور العدل والحرية حيشرق نوره
مهما تعبنا .. مهما قاسينا .. قوة رب العزة معانا

#امال_رياض (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل