اذلال المصريين بين الضربة الجوية والحماية العسكرية للثورة

جاك عطالله

الحوار المتمدن-العدد: 3378 - 2011 / 5 / 27 - 20:19
المحور: العلمانية، الدين السياسي ونقد الفكر الديني
    

مبدئيا احيى شباب الثورة واشكرهم على اعادة ايمانى بهم بمظاهراتهم اليوم رغم كل العراقيل و المؤامرات السياسية والاعلامية والتشكيك

رغم تخوين الاخوان لهم وتخويف الشعب المصرى من الخروج بجمعه الغضب الثانية و التشويش باستخدام الاله الجهنمية السلفية بالمساجد والقنوات الاعلامية خرج الشباب اليوم و تظاهر وكان الخطيب رائعا فى تلخيص مطالب الثورة التى لم يتحقق معظمها للان بسبب سرقة المجلس العسكرى والاخوان لاهداف الثورة وتحكمهم بالسلطة المعوقة للاصلاحات المطلوبة

نتكلم بقى سياسة واللى يزعل يزعل --

اللى بيحصل ده مهزلة المهازل و اللى سرق الثورة هما المجلس العسكرى الانقلابى والاخوان و مبارك موش ها يعدمه حد ولا ها ياخذ محاكمة جدية الا اذا مشى المجلس العسكرى الاول و فك تحالفه مع الاخوان الفاسدين لانهم شركا واستفادو من نظام مبارك ومخليينه فاسوخة لانه لو اعدموه الشعب ها يطالب بمحاكمتهم كشركا فى الافساد والسرقات -

الشعب موش لازم يخاف ولازم نفقأ العين البجحة دى -- لازم نوقف اذلالهم لينا المستمر و كل خمس دقائق يفكرونا انهم لم يفضوا الاعتصام بالقوة المسلحة

تمام ذلة جديدة زى مبارك ما كتم على نفسنا بخديعة الضربة الجوية وسرق ونهب و قتل جوعنا وعرانا وشربنا مجارى على حسها

مبارك ذلنا بالضربة الجوية مع ان دوره كان واحد من عشرات الالاف بالقوات الجوية وشغل الضربة كان جماعى موش فردى لان الطيران ماكانش قطاع خاص بتاع عيلته

ودلوقت المجلس العسكرى بيكرر نفس الاذلال ماسك لنا ذلة جديدة زى مبارك انه ما ضربش على الشعب رصاص فى التحرير وما فضش الثورة بالقوة

سوف يا سيادة اللوا انت وهو اذا كنتم ها تضربوا وقتها الشعب ما كانش ها يسكت وكنتم ها تبقوا محبوسين فى الاقفاص دلوقت يعنى ما تذلوناش لو سمحتم وبطلوا النغمة دى كل شوية علشان تستفيدو على قفانا

ده لا يعطيكو اى ميزة علينا انكم تمسكوا رياسة الدولة وتبوظوها اكثر من الاول --

لا امن ولا فلوس ولا سولار ولا بوتاجاز ولا شرطة ولا حسم مجرد استمرار لبوظان النظام السابق بنفس رجاله ونفس امن الدولة الخائن والفاسد ونفس الحكاية - افقار متعمد للمصريين بالجوع لاسكات صوتهم

شوف يا مجلس العسكرى نجيب لك من الاخر احنا ها ننزل كل اسبوع لغاية ما تشيلوا الطوارىء نهائيا و تتنازلو عن السلطة وييجى مجلس رئاسى مدنى يمسك سنة يتم عمل دستور فيها وبعدين الانتخابات باشراف دولى وقانونى كامل

واضح فشلكم بكل المجالات وتورطكم مع نظام مبارك ومع السلفيين و البلد بتغرق وموش ها تفوق الا بعد رحيلكم -

كفاية علي القوات المسلحة قوى حماية تراب الوطن من اعداء الخارج وده شرف كبير ليهم بياخدو اجر عليه يعنى موش ببلاش

اما شغل السياسة وحكم البلد السياسة فطريقك مسدود يا ولدى -

ستين سنة مصايب وبلاوى ماعملهاش فينا شارون تكفينا لاننا موش فيران تجارب عندكو ولا معيز ..

واللى يتلسع من الشوربة ينفخ فى الزبادى يا مصريين
فاخلعوا بقى من كل اللى خوفنا من النزول و بيرهبنا بحكاية الاستقرار والافلاس اللى هما سببها لانهم عاوزين يقعدوا على مراوحنا الى ماشاء الله

عدم الاستقرار والافلاس جاى من ان المجلس العسكرى لم يعط اوامر لبناء شرطة مدنية قوية ولا يرغب بذلك ولم يعمل لرد الاموال المنهوبة بجدية وسرعة.

عدم الاستقرار والافلاس جاى من تحالف العسكريين مع الاخوان المنحلين قبل وبعد الانقلاب العسكرى فى 52 وفى الاخر استوردوا لنا السلفيين من افغانستان والباكستان واصبح حكامنا و اعلاميينا الشيخ حسان والشيخ يعقوب والشيخ خالد والشيخ البخارى والشيخ ابو اسلام ..... والاشكال دى ها تقيس لنا اللحية والتوب وها ترجعنا للعصر الحجرى.

عدم الاستقرار جاى من وجود العسكريين على رأس السلطة و الضغوط الخليجية لابقاء مصر دولة سلفية وهابية ومن تزوير استفتاء الدستور واستئساد الاخوان والسلفيين

هية جمعه واحدة محترمة اتنين تلاته مليون يرجعوا للاعتصام ويستمروا فيه وصدقونى ها يمشوا - وكفاية استنزاف وضحك على الدقون

#جاك_عطالله (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل