شعارات لمظاهرة فلسطينية في ذكرى فتوى لاهاي ضد الجدار

خالد منصور
عضو المكتب السياسي لحزب الشعب الفلسطيني

الحوار المتمدن-العدد: 3063 - 2010 / 7 / 14 - 11:54
المحور: الادب والفن
    

من لاهاي لفلسطين
كل الأمم متحدين
****************
أمر الواقع مش مقبول
والجدار بدو يزول
****************
من لاهاي طلعت فتوة
بدنا نفعل هذي الفتوة
يا قيادة اخطي الخطوة
****************
عيب كبير علينا
فتوى معنا وانسينا
****************
يا عالم وينك وينك
والجدار قدام عينك
****************
فتوى كبيرة اصدرتوها
اهملتوها وانسيتوها
****************
يا أحرار كل الكون
قولو لا للكانتون
****************
شرع العالم احكم قول
الجدار هو الغول
بلع الأرض عرض وطول
****************
يا عالم ما بيصير
وين العدل والضمير
صار الوطن سجن كبير
وشعبي محاصر بالجنازير
****************
هدّوا السور ببرلين
وبدنا نهدّوا بفلسطين
إحنا شعب فلسطين
إحنا شعب جبارين
لا بنكل ولا بنلين
ولا بنهادن محتلين
على السور مرابطين
شوكة بحلق المحتلين
****************
النا الأرض والنا الدار
ما رح نرحل مهما صار
والجدار رح ينهار
بالعزيمة والإصرار
شعبي هب وشعبي ثار
ما رح نقبل بالجدار
****************
جوا السور وبرا السور
النا الأرض والنا الدور
****************
شدو الهمة يا كرمية
بدنا هبة جد قوية
****************
يا جماهيرنا ثو ري ثوري
حتى نهدو هالجيشوري
****************
يا محتل ارحل ارحل
بالجدار ما رح نقبل
****************
يا باراك يا مسعور
ارحل عنا يلا غور
****************
نتنياهو يا جزار
مهما عملتوا ومهما صار
ما بحميكو هالجدار
****************
حاصر جوّع هدّ بيوت
ما رح نرحل لو بنموت
****************
العدالة الدولية
ما بتعطيكو شرعية
****************
يا كرمية شدو الحيل
سور الواقي بدو شيل
****************
حاجز سدة وبوابة
هذا هوّ الإرهابي
****************
معنى واحد للجدار
لا دولة ولا استقرار
****************
يا لاهاي وينك وينك
والجدار قدام عينك
****************
لا تفاوض لا حوار
مع حكومة هالاشرار
طول ما ببنو هالجدار
وبجتاحونا ليل نهار
****************
بدنا نهد هالجدران
وبدنا نزيل لاستيطان
****************
يابو مازن يا عباس
تع تفرج شوف الناس
إحنا شربنا مر الكاس
وما رح نركع للأنجاس
****************
قيمو الحاجز والجنود
ما رح نقبل بالقيود
شعبي واصل هالصمود
والحرية بدها تعود
****************
انسحاب انسحاب
جيش الموت والإرهاب
****************
إحنا بنسعى للسلام
سلام عادل لا استسلام
معنى واحد للسلام
انسحاب عالتمام
****************
ما في حل ما في حل
إلا خروجك يا محتل
****************
اضرب غاز واطلق نار
ما رح نهرب ولا ننهار
بالتحدي والاصرار
نهد الحاجز والجدار
****************
ما برهبنا يا احتلال
حاجز سور واعتقال
إحنا ربينا عالنضال
وسرنا بدرب الاستقلال
****************
جيش الغازي ارحل عنا
انت غريب في موطنا
****************
الحرية جايي جايي
وليل الظلم الو نهاية
قوى السلم والحرية
الكم منا ألف تحية
قولو قولو للفاشية
هذي الأرض عربية
****************
يا جنود الاحتلال
قتلتو النسوة والأطفال
ليل الظلم مهما طال
بدو يزول لا محال

#خالد_منصور (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل