ربنا ما يحرمكم من العبط يا قبط

جورج المصري

الحوار المتمدن-العدد: 2694 - 2009 / 7 / 1 - 08:20
المحور: مواضيع وابحاث سياسية
    

جورج المصري اعتكف من فترة طويلة الكتابة قرفان من كل شيء. وقال يا عم جورج خليك بعيد أحسن.
طيب إيه اللي حصل وإيه الحكاية ؟ أول عمن أول شفت أبونا القمص مرقص عزيز بعت بجواب مفتوح للمعلم صليب متي ساويرس ، خلاصة المفيد فيه لم نفسك وكفاية مسخرة بينا وبسمعتنا ضحكت علينا البلد و الولد و العيال و النسوان ، وكشف لنا عن تأصل كذب المعلم صليب وقفشه قفشه صعبة قوي. قسيس بيكذب ؟ اخ يا ولد الحق شوف مين فين ليه ازاي. ايوة فيه قسيس كذاب ومصمم علي الكذب ومفيش حد قادر يقول له كفاية ؟ ليه يا تري ؟ مش حنتكلم عن الجواب نسيب الجواب ليكم.

الموضوع التاني وعد محمود سعيد لنيافه الأنبا مرقص انه يتكلم في بيت البيت بيتك عن تعاليم المسيحية . أقول للانبا مرقص حبيب الملايين متزعلش مني نيافتك فية شعرة بين الطيبه و العبط و الفرق شعرة بين الساذجة و الطيبة . نيافتك فاكر ان الحدايه تنقط كتاكيت ؟ يا عم المسئول عن الأعلام في الكنيسة القبطية انت معندكش وسيلة إعلامية ومسئول أعلام أزاي بس؟

ملعون كل من اتكل علي أعلام الحكومة و الأعلام الوهابي ، فيه اعلام يروج لبضاعة تخلي بضاعته تبور ؟ يا عم انتم فاكرين نفسكم عايشين مع بشر بيفهم وعنده ضمير؟ خليكم انتم كدة لا عارفين تردوا ولا عارفين تاخدوا وضعكم ولا ترحموا ولا تخلوا رحمة ربنا تنزل .

أن لم يجتمع الشعب القبطي خلف أقباط غير كهنة يعملون في المجال الاعلامي و السياسي او السياسي والاعلامي خليكم كدة تشحتوا 10 دقائق علي التلفزيون والوعد علنا و الحنس علنا و اللي ما يختشيش يقول ايه ، ياللي مستنية السمنه من بطن النملة ملكيش قالية ، ارحمونا الله يرحم اهلكم . كفاية عبط يا قبط .

الموضوع الثالث سياسيين الأقباط المعروفين بأمانتهم وهمتهم ، انتم صيفتم بدري ليه هو الدوري خلص ؟؟!! الدوري لسه ما بتداش وانتم تصييفوا ؟ ولا حتي لو كنتم خلصتم امتحانات كنتم تستحقوا التصييف . المشوار طويل ياعم انت وهو ومفيش وقت للتصييف .

#جورج_المصري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل