التزوير القانوني و تزوير الفيل يا وزير العدل

جورج المصري

الحوار المتمدن-العدد: 2439 - 2008 / 10 / 19 - 08:59
المحور: كتابات ساخرة
    

بطلوا اده واسمعوا دا الغراب جوزوه احلي يمامة، الحكاية مش من لعبة الست. الحكاية أصلها لعبة من الحكومة.

الواحد مش عارف يجري يصرخ في الشوارع ويقول خربوها خربوها وقعدوا علي تلها المتعايس اللصوص بتوع الحكومة . ولا يجري يصرخ في الشوارع ويقول ألحقوها ألحقوها ولعوها وخربوها وقاعدين علي نفسها يتدفوا بخيراتها وناسها بتموت من الجوع.

أخر موقعة للفيل صديقي الغزوة الغير أخلاقية الأخيرة التي استخدم فيها الفيل سلطته القضائية الدهنية المتفيله المرهرطة.
الأسبوع اللي فات في عزبة مبارك الولة ابن عيسي رئيس الأفيال عفي عنة وقال اية اصل رئيس الافيال قلبة حنين وصعب علية ان الولة هيما يترمي في السجن.
و من يومين يا خلق جه قاضي الأفيال وعملها في وسط الطريق ووقع فيها مين ؟ واحد من أتباع عيسي. حتت عملة. الفيل ابو القضاء حكم 5 سنين سجن علي ابونا متاؤس عباس وهبة، ليه خبر ايه قال الفيل الكبير التخين قاضي القضاة ، ابونا متاؤس جوز ناس ببطاقات مزورة ؟ طيب لية فين مين ياعم القضاة دا الراجل متاؤس قسيس مش شرلوك هلمز يعرف منين ان البطاقة مزورة ولا أنت يا فيل عاوز كل أبونا يكون عنده جهاز كشف الكذب وجهاز كشف ألاعيب الأفيال و المشي علي الحبال ؟ يعني يا فيل يا ابن الفيل هو فية في الدنيا حد يقدر يمنع اثنين عاوزين يتجوزا من أنهم يتجوزا في الحلال؟ يعني الجواز ميكونش قانوني الا لو كان دين المتجوز و المتجوزة واحد ؟ او استني يا فيل يا ابن الفيل يا حفيد الفيل هو سكة الأفيال اتجاه واحد . يعني لو الولة كان من شلة الافيال الغبية يقدر يتجوز من بنات الناس ولو كان الولة مش من شلة الأفيال ميقدرش يتجوز من بنات الناس إياها. علي راي المثال يا ابا الفيل هو انتم ولاد 22 شهر وإحنا ولاد 9 . سلالات الأفيال 3 سلالات فيل الأحراش الإفريقي فيل الغابات الإفريقي و الفيل الآسيوي ، وسلالة فيل غبية مستحدثة في مصر من سنة 1952. الفيل فيها غبي غباء ومتخلف تخلف اسمها سلالة أفيال الحزب الوطني الديموقراطي.

#جورج_المصري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل