يا أهل الله..في حد هنا ؟

جورج المصري

الحوار المتمدن-العدد: 2024 - 2007 / 8 / 31 - 07:11
المحور: اليسار , الديمقراطية والعلمانية في مصر والسودان
    

أول شيء تسمعه من سواق التاكسي وأنت طالع من المطار... يا بيه دي بلد ملهاش صاحب. كل واحد يلغوص وكل واحد ماشي بمزاجه.

ردا علي سؤالي يا اسطي أنت شايف العربية اللي جاية في وشك عكس الاتجاه؟

ايوة يا بيه دي عربية شرطة بتختصر السكة ؟
أيوة بس مش برضه ماشي غلط عكس الاتجاه؟
يابية غلط مين؟
دي الحكومة يا بيه تمشي العالم كله غلط ولما تقول لهم كده غلط يضربوك لما يبان لك صاحب.

سكت وخيم علي وجهي الحزن بعد أن كانت السعادة لا تسعني من فرحة الوصول لأرض مصر الغالية. السواق لاحظ وقال لي لا يا بيه متخليش الحاجات الصغيرة دي تعكننك وتلخبط اجازتك.

قلت للسواق يا اسطي أنا مش مصدق عيني السواق (العسكري) راكب بجواره رتبة كبيرة و يعمل الغلط يمشي عكس الطريق في شارع المطار.
سيبك من أن الضابط موجود و السواق بيعمل الغلط ده. الحكاية تفكيري راح في احتمالات الخطر و ما يمكن أن يحدث من مثل هذا التصرف المهمل من رجال الآمن.
 عرض حياتنا كلنا للخطر، الموت مش قضية الموت علينا حق، أنما المصيبة أنك تعيش بعاهة وتفقد مصدر دخلك و أسرتك تتعرض لمحنه ومصيبة بدون أي داعي أو ضرورة . بالصورة دي عرض حياة العسكري المجند للخطر بدون أي داعي أو سبب، عرض حياته ( الضابط) للخطر و الدولة في اشد حاجة لكل ضابط لكثرة المتطلبات في الوقت الحالي.
 عرض ممتلكات الدولة و الغير للخطر
 الاستهتار بالقانون وهم من المفروض حماة القانون.
 أعطي قدوة سيئة وصورة أسؤ عن بلدنا لكل من شاهدوا تلك الواقعة.
 السواق مش حيغلط ألا إذا سمح له الضابط بالغلط ودي المصيبة الأكبر.

وفيه أسباب ثانية كثير تبين لك مدي تفشي الاستهتار و الفساد في السلطة. وما خفي كان أعظم من الأمور التي لا تراها في الشارع.

أن كان ممثلي السلطة يتصرفون بمثل هذا الاستهتار و الاستهانة بالقانون أمام الناس وبالتالي لا يستأمن مثل هذا الضابط في الأمور المخفية . رجل القانون يخالف القانون علنا تفتكر أن ممكن يحافظ علي القانون في الخفاء؟

رد السائق حضرتك سايب مصر من زمان ؟ نعم ودي أول زيارة بعد مده طويلة قلت له لا أنا حضرت لزيارة مصر مرات عديدة. فقال مستعجبا طيب ليه تضايقت من الحكاية دي ؟ ما دي حكاية من يوم ما أتولدنا بتحصل كل يوم و إيه الجديد لا مؤاخذة ؟

شوف يا اسطي أنا وغيري من المهاجرين الواحد مننا يعيش علي الأمل أن الحال يتغير وتقدر ترجع في يوم من الأيام لوطنك وبلدك وأرضك وناسك.

طيب يا بيه لا مؤاخذة أنت وغيرك تركتم مصر من القرف ، تفتكر سبب القرف اللي هنا هو اللي حيغيرها ؟ ما هم الأغلبية و القرف كل يوم يزيد مش يقل.

وبعدين مين قال أنهم ماشيين عكس الطريق !! مش الطريق ده بتاع الحكومة ؟
قلت له علشان مقطعش عليك النكتة ايوة الطريق بتاع الحكومة !! طيب يابيه احنا لو اعترضنا وقلنا ان الحكومة ماشية غلط حيقولوا لنا لا ده مسار الحكومة الصح وانتم اللي ماشيين غلط . ومش بعيد ناخد طريحة في القسم ومش بعيد النيابة تحبسنا 15 يوم علي ذمة الحكومة. قلت له تقصد علي ذمة القضية قال لا يا بيه ذمة الحكومة ماحنا قدام الحكومة نسوان. نبقي أحنا علي ذمة الحكومة.
ضحكت وضحك الاسطي وقال لي أنت قلت أنت رايح فين يا بيه ؟

#جورج_المصري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل