الوطن في عيون الشرفاء

جواد القابجي

الحوار المتمدن-العدد: 2689 - 2009 / 6 / 26 - 08:14
المحور: الادب والفن
    

ياخيمه الحمت كل راس
يعگال الزلم .. نوماس
يا تاج الشرف
هنيال كلمن شافك
اوباسك

خبطنه ادموعنه بالدم
وشلنه اجبال .. ما نهتم
وتدري بالسواعد من صدگ .. تلتم
بس جمرة افراگك يا وطن
ما هفِّتت .. ظلَّت عايشه اويالهَم

هذا يا اوليدي الوطن
حگنه اعليه .. نتألَّم
حملناه اشكُثر .. وتجرعينه السَم

الوطن ويّانه وين انروح
عله اچتافاتنه .. حلّه .. كوت والسلمان
ظل وي الدمه ابشريانّه امحزَّم
اوما فارگنه .. رافگنه ابقطار الموت
امفرِّع .. باسم اومهيوب
أبد .. ماخوَّفه املثَّم

بس ياوطن غدروك الحراميه
مدري امنين اجت
صفران .. عدهه اوجوه بعثيّه

البعض يتزايد اعلينه
او هوّه الباع عِز الوطن .. بشوَيَّه
إهم ذوله الحراميه
شوف اشحاملين اوجوه .. من يلفون صُبحيّه
تگول الوطن هُمّه .. اوغيرهم ماكو عراقيه
او من ايصير نص الليل
يشتغلون بسم الله اوحصانه اوبرلمانيه
والتفخيخ والتفجير ويَّ غبشة العمال
ينزف دمنه يوميه
بس اوداعتك ياوطن ميگدرون ..
باچر بتِّحاد الشعب .. إيد ابئيد ..
نقضي اعللحراميه
لا خاين .. ولا املثَّم..
ولا ريحة البعثيَّه

#جواد_القابجي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل