هموم .. او سهر

جواد القابجي

الحوار المتمدن-العدد: 2551 - 2009 / 2 / 8 - 10:10
المحور: الادب والفن
    

الى أخي وصديقي ورفيق غربتي الشاعر المرهف
علي طعمه الركابي

(( هموم او سهر ))

حبيب انت َ قصيده
وانت ماي النظر
هجرك ما اريده
*********** تعبت ام السفر
انت الماي لضماي
ونته الفكر والراي
نخيت الرايح اوجاي
********** عن ولفي النفر
صرت احجايه للناس
رحت للخمره والكاس
بلجن تهدي هلراس
********** ولا دمعي استقر
اكَولن يجي فد يوم
ونسه شويه الهموم
وسلّم عيني للنوم
********** وتناسه السهر
ياحبّي انت روحي
يابلسم اجروحي
يروحي بطلي نوحي
********** اعله حبّي الماذكر
نسه ذيج الليالي
كَمر هوّه صفالي
هويته آني اوهواني
********** مثل نهر اوبحر
أغاني اوسحر موال
غنينه اعله كل حال
لا لايم او عذّال
********** ولا خفنه الخطر
حبّي اشمحله هلحال
نسينه القيل والقال
وغتاضت العذّال
********** كَضت هم او قهر
بعد ذاك الذي جان
كَلبت افراحنه احزان
من فركَاك يفلان
********** بينه الحب كُفر
حبيبي كافي لغياب
نار الكَلب لهّاب
عزيز او أغله الاحباب
********** بس انتَ السمر
تعال اوسر الكَلوب
ينته أحله محبوب
كَلبي ابحبك ايذوب
********** مثل جرف اونهر
أحن او تحن كل حين
تره الدنيه بساتين
بلجن كَلبك ايلين
********** اوكَلب الحُر بَحرْ
( هجرك ما أريده *** تعبت امن السهر )

#جواد_القابجي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل