الوطن .. وعيون الحرامية

جواد القابجي

الحوار المتمدن-العدد: 2310 - 2008 / 6 / 12 - 02:06
المحور: الادب والفن
    

يا طيب الأنفاس
ياخيمه الحمت كل راس
يعكَال الزلم .. نوماس
ياتاج الشرف
هنيال كلمن شافك او باسك

خبطنه ادموعنه بالدم
اوشلنه اجبال مانهتم
اوتدري بالسواعد يامحب تلتم
بس جمرة افراكَك ياوطن
ماهفتت .. ظلَّت عايشه اويالهم
هذَا .. يوليدي الوطن
حكَنه اعليه .. نتألّم

حملناه اشكثر .. بكَلوبنه منضم
الوطن ويّانه وين انروح
عله اجتافاتنه بالحلّه والسلمان
بكَه ويَّ الدمه ابشراننه امحزَّم
مافاركَنه .. ظل حتّه ابقطار الموت
امفرَِع .. باسم او مهيوب
او أبد ما خوَّفه املثَّم

بس الوطن .. غدروه الحراميه
مدري امنين اجوْ .. صفران
عدهه اوجوه .. بعثيّه
البعض يتزايد اعلينه
او هُم باعوه العِز الوطن .. بشويّه
اهُم ذوله الحراميه
شوف اشحاملين اوجوه
من يلفون .. صبحيّه
تكَول الوطن هُمّه اوغيرهم ماكو عراقيه
اومن ايصير نص الليل
يشتغلون بسم الله اوحصانه اوبرلمانيه
بالتفخيخ والتفجير
ويَّ غُبشة العمال .. ينزف دمنه يوميه

بس اوداعتك ياوطن ميكَدرون
باجر بتِّحاد الشعب .. إيد ابئيد
نقضي اعله الحراميه
لا خاين .. ولا املثَّم .. ولا ريحة البعثيّه

#جواد_القابجي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل