(( نوروز العراق ))

جواد القابجي

الحوار المتمدن-العدد: 2588 - 2009 / 3 / 17 - 08:53
المحور: مواضيع وابحاث سياسية
    

أدريبك بحرْ ابلا كَيش
لكن لازم أسبح بيك
ودري الحاسد عينه اعليك
بس عين الحب اترابيك
لو تبعد بطراف الدنيه
لازم تاليهه اوصل ليك
انته النور اليضوي اسمانه
والظلمه اشحدهه اتلاويك
يمناره إلكل السفّانه
مامونه او تتمسَّك بيك
انتَ الصدر الرحب الغالي
الواسع والطيبه اتباريك
ياشاهق ياغالي او عالي
سالم بكَلوب امحبِّيك
شُعله اوماتطفي اشمحلاهه
تتوهَّج من سر البيك
سر حبّك مزروع ابكَلبي
او روض الحب يتنومس بيك
ياطيب انتَ ابكل صحره
واحه او ماظن اعطش بيك
لو رادوا مابيني اوبينك
رادوا توكَع .. ماخَلِّيك
اولو رادوا بجروحي اتجرِّح
ماكَول آخ ابجرحي احميك
وتوجَّه اعله الرمح ابجرحي
وتبسَّم لازم أرضيك
اوخليتك مابين اضلوعي
امودَّع هوّه اللي يحميك
إنته ونته ينته ونته
إشما كَول آنه امقصِّر بيك
ياحب لو افتحلك كَلبي
خاف اتشوفه اوخاف ابليك

أدري الوادم كلهه اتحبّك
والحب هوّه الأجمل بيك
ياهيه .. مجنونين ابحبّك
( مو منَّه .. الما يؤمن بيك )

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات