جلجل علي اليل

جبار عودة الخطاط

الحوار المتمدن-العدد: 2534 - 2009 / 1 / 22 - 08:35
المحور: الادب والفن
    

جلجل علي الليل
واجدامي
اكلهه الدرب
بعد
وحنين
وسفر
جلجل علي الوكت
والدنية نثت جمر
وعيوني يا غربتي
يحرث جفنهه السهر
محتام حتى الحلم
لملم طيوفه وهجر
والدرب ما ينتهي
والليل ما بيه كمر
جلجل علي الليل
واجدامي صارت خشب
تنزف حنين وتعب
مدوّر اضنه الدرب
لو جنه تاه الكلب
لو اضن ماكو فجر
واجدامي اكلهه الدرب
بعد وحنين وسفر
جلجل عليه الليل
والسمه تمطر جسب
وعل راسي
تمطر حصو
لميت كضبه حصو
من دولباني السغب
وبحلكي الوج الحصو

ضنيت حصوي رطب
لاحلكي باس الرطب
ولا اوراق شعري غدت
شمسيه بيهه احتمي
من المطر والحصو
من لعب بيه لعب
وظليت انود
وعلى ظلي انتجي
ويا دربي اشكد صعب
برجليه
يمشي الرمل
وعل كلبي وغف غضب
جلجل علي الليل
وهمي هد الحيل
لا حمد يمي ونس
والدرب ما بيه ريل
ذب راسي
منه الجتف
ما بيه حيل ايشيل
جلجل علي الليل
يارويحتي عودي
نكضني ليل الصبح
وعبرتني احدودي
فرشيت ظلي ابرمل
واتوسد اخدودي
حافي اطر الوكت
والدرب ورّم نكر
مسافر انه ووجهتي مابيهه
كاع وبحر

مسافر انه وجنطتي
ما بيهه غير الشعر
واجدامي اكلهه الدرب
بعد ..
وحنين ..
وسفر

#جبار_عودة_الخطاط (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل