الثقافه في الأردن

جهاد علاونه

الحوار المتمدن-العدد: 2460 - 2008 / 11 / 9 - 10:06
المحور: المجتمع المدني
    

يعني والله العظيم أنا مش فاهم ليش الحكومه الأردنيه ماخذه فكره سيئه عني ؟؟؟؟؟؟وعن الثقافه ولا بعرف نهائيا ليش؟
أو ممكن أن تكون كل الأنظمة العربية هيك سياستها :
هيك سياستها ؟
آه هيك بخافوا من الكتاب والمثقف والمطبعه حتى بس يشوفوا مطبعه بتطبع كتب بجفلوا منها وبحاربوها وبعتبروها أسلحه أو مصنع أسلحه كيماويه .
على شان تربيتنا هيك تربينا عليها وعلى شان ما فيش مثقف أردني وصل لمنصب سياسي أو إداري يخدم فيه المثقف ولو كان رئيس بلديه مثلي كان بشتري من كل مثقف ..


أي بلا ثقافه في الأردن بلا (نيله).

إسمعوا اليوم الصبح شو صار معايه :
حياتي في الآونه الأخيره صايره كلها نهفات بتجنن وبتضحك هههههه أو إنها من زمان هيك بس كنت أخاف أحكي بس أسع (هسع) لا مش راح أخاف من حدى طز مليون مره شو بدهم يمسخوني قرد ؟
حتى لقرود أحسن .
اليوم رحت على رئيس بلديه أردني وبصراحه رحت على رئيس بلدية لواء الطيبه بغظ النظر عن إسمه وشخصه الطيب أنا بس بنتقد مسماه الوظيفي ..

يعني هو رجال طيب ومحترم ومهذب ونجح بالإنتخابات بجدارته يعني إفلوسه كثيره وبصراحه أيضا هو شخص ما عليه غبار كشخص محترم جدا ..ونجح بالإنتخابات...
وشو بدكوا بطولة السيره لقيته الصبح واقف بالحركه عشانه مهتم جدا بالحركه ووالله إنه مكثور الخير فعلا البلديه هي الحركه وإذا تعطلت الحركه بتتعطل البلديه :
صباح الخير عطوفتك .
-اهلا أستاذ جهاد صباح النور .
- من يوم الأربعاء وانا بدور عليك وكل ما أروح على مكان بقولولي طلع على مكان آخر وكان آخرها يوم الخميس سألت عنك وحكولي إنك في عمان ..
فقاطعني قائلا :
- بعرف ...بعرف ...حكى معاي أخوي بالموضوع بس بدك تعذرنا .
-ليش خير إنشالله شو أعذرك ؟

-يعني قصة الكتب هذي إحنا شو بدنا فيها المكتبه مليانه بالكتب والناس ما بقروش نهائيا فلويش إحنا كبلديه نشتريها وبعدين البلديه ما عندها مخصصات للكتب بس ممكن على رأس السنه على الموازنه الجديده نشتري منك وانشالله خير .
فوقفت مشدوها وقلت له :
يعني كتابي هذا الذي أصدرته الآن وكل ثلاث 3 سنوات بصدر كتاب معقول عطوفتك يعني يكسر البلديه والدوله والموازنه .
فقال :
- شو بدنا فيها ولو أنا كرئيس بلديه بدي أشتري من كل كاتب كتاب هذا معناته إني بدي أملأ المكتبه بالكتب على الفاضي شو بدنا فيها بعدين هاي بتصير تجاره .
-تجاره!!! كيف يعني تجاره .
على كل حال هاي هي التربية الوطنية الأردنية وانا ما بلومش رئيس البلديه أنا بلوم الحكومه وسياستها وقهرها للناس وبلوم المواطن الأردني إل إختار هذا الرئيس للبلديه وبلوم المواطن الأردني أيضا الذي إختار نواب مجلس النواب هذا طبعا إذا كانت الإنتخابات نزيهة فعلا أما إذا ما كانت نزيهة وفيها تزوير فأنا بلوم الدوله .

يعني كمان مره أنا مش فاهم ليش همه بعملوا هيك وشو سر العلاقة الخطيره بين المواطن الأردني والثقافه ؟
وشو مش فاهم بالضبط قصة العداء بين المسؤول الأردني والكتاب ؟
يعني لو إشترى مني بشكل شخصي ولو نسخه واحده ماراح يكون خسران!!!

أنا إبن بلده يعني (بلديته) وصحيح ما صوتت إله صوتت لواحد ثاني رسب بس يعني أنا مش غريب..

أنا إبن هذي البلدية بلدية لواء الطيبه .

وبالمناسبه عمري بحياتي ما صوتت لا لنائب ولا لرئيس أي شيء ونجح ,,,نهائيا : كل البصوتلهم ما بنجحوش على شان عملية الإختيار عندي لها أسس تختلف عن أسس المواطن الأردني العادي .

#جهاد_علاونه (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل