آخ لو تدري..

فاتن نور

الحوار المتمدن-العدد: 2450 - 2008 / 10 / 30 - 02:57
المحور: الادب والفن
    

..لو تدري
وآخ لو تدري انت چم طاسة وسخت
وچم الف ماعون!
ويوم اللي نطرتك چنت مضنوك..
وبگلبي حسرة...
وآخ..آخ
چانت مثل طاعون
يا (حبيّب)
كسرت الخاطر الف كسرة
ومن عطشتلك..
بطريچي نثرت الذل مثل الورد
وبچفك عجنت الجرح بقطرة دبس
ولروحي زفيته مثل ساهون
هان الوگت وياك..سالوفه وغدت
يامن خنت عشرة وجفت
يامن رفعت الراس صوب السما،
وصدگيني ..صدگيني گلت
مثل الوطن شاريك ..
ولوهان الوطن فد يوم.. انت ابد ما تهون
مو انت اللي گلت،
شاريك..وعشگي مو نزوة بطر
شاريك..ولا هو شهوة وطر شايلها بجناحين
عشگي صدگ ريان وبزيت الشرف مدهون
.. وآخ..يا (مزيون)
بنار الغدر شو ساح الشرف..
وبفردة نعال مهلهلة شمرته على الصوبين
وآخ..
سممت الوفى يافـــــــــــــــلان وشيعته بفرح نابين
وأذكرك زين يا (مفتون)
ساح الشرف وبيوم اللي گلت.. يا حبيّبة ابد ما خون..
وشلون تريد تعزفني هل يوم
على رباية وصل چذاب،
لو تضربني وتر وبحضنك مثل قانون؟
وآخ لو تدري
چم طاسة بعدك أنا غسلت
وچم لگمة چِفه الماعون

فاتن نور
08/10/28

#فاتن_نور (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل