من قصائد الراحل عبد الاخوة التميمي قصيدة (فرحة وكت)

نزار عبد الاخوة التميمي

الحوار المتمدن-العدد: 2442 - 2008 / 10 / 22 - 05:59
المحور: الادب والفن
    

فرحة وكت 3/10/1973

خلونة نفرح لوچذب نار الوكت چوتنه
ونسولف اعلى اخر دهر ونطش فرح لمّتنه
خلونه نگعد للصبح مامش امان الباچر
خلونه نشبع من بعض نشرب نخب گعدتنه
الناس بيهه النايمه او بيهه النذل ومسافر
خلونه نتوزر امل ونخلّص من الحسرة
الدنية بيهه الصايحة ومهلهله والغيرة
والناس مليانه فرح بين الطرب والخمرة
واحنه انحسد حتى البدو چي عايشين بگمرة
واحدنه بس ادغدغه غرگانه بيه العبره
وشما كبر بيه العمر وتگبع بكل صبره
ساعة وتشوفه من القهر حسراته ميته بصدره
او بالماي من يشرب يغص والظهُر يتيه دربه
مرات عدنه اشمرّه
او كل ونريد الفرح
ونريد نسهر للصبح
ونريد نلگي ارواحنا الخضره الطرية اويه المرح
ونشوف هذا العالم المليان بي خير وفرح
نتأمل او نتأمل وشنگول؟؟
كلما يشح الخير يبنادم ايزود
مثل البحر لو هاج ما سدته احدود
نزار عبد الاخوة التميمي

#نزار_عبد_الاخوة_التميمي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات