من قصائد الراحل عبد الاخوة التميمي

نزار عبد الاخوة التميمي

الحوار المتمدن-العدد: 2257 - 2008 / 4 / 20 - 09:03
المحور: الادب والفن
    

الى قراء الحوار المتمدن الاعزاء كما وعدتكم بنشر الديوان الكامل لوالدي الراحل (عبد الاخوة التميمي) وكجزء بسيط جدا من الوفاء لهذا الرجل العظيم الذي قضى حياته يناضل من اجل الحرية والديمقراطية, ولولا والدي (رحمه الله) وفضله الكبير وتضحيته العالية ليوصلنا الى ما يتمناه من تحصيل دراسي وثقافة اتمنى ان يرضى علينا وهو في قبره الشريف, اعزائي القراء ان الشعر عند والدي (رحمه الله) وكما يقول ( الشعر عندي صرخة المعاناة وبلورة الانفعال) , من هنا سأبدأ بأول قصيدة في ديوانه من الشعر الشعبي المسماة (يبو خلگ وعمر) والتي نضمها للحزب الشيوعي العراقي بتاريخ 1/2/1977

يَبو خلگ وعُمرْ

ياماي ياملح الخبز ياصوبة اشته
ياشوف يلدربك طويل وليلك اشته
ياگاع يازرع الفلح.. ياصوت عامل ياعمر بالدنيا عشته
يافرحة اطفال العگد بهدومهم.. يامدري شگلك
ياثوب الستر ياخوش ياخيمة يالمة رفاگة
يافرح ياگهوة العيد
ياصوغة تراب المناضل ياحبيب اشما ردت تگرب بعيد
تطلب من الليل صبحة
او تشتري من الألم جرحة
وتظوي تاريخ الشعوب اشما تريد
او تشتري بروحك مفاتيح الدهر وانته سعيد
(لحرية الفكر تاريخ يحدثنا بان الف مسيح دونها صلبا)
وانته ذاك انته اليحاسب واليعاتب
انته مصلوب وتوالف
انته ثورة وانته جبهة
وانته تشخيص وتحالف
واحنه عينك وانته تاريخ وشعب شعله وصرايف
وانته عمر الينگضي وياك اعلى زين وشين احسن من عمر
انته دربك مر .. انته خير وشر
واحسن من سنين تخمة وخمرة وفلانة وگبر
يلتشوف الناس تتعارك يرن كوخ بقصر
واحسن ايامي الغفت بسنين عمرك
يلي عمري سنين وبعمرك شهر
يلي دربي ابعيد حيل ابعيد وبدربك شبر
آنه بهمومك قضية وانته بهمومي شعر
انته ريل وناس وايام ومحطة
وآنه جنطة وهدوم وسفر
انته طيف الشمس ياگمرة ياحارس يبو خلگ وصبر
انته أُم ونحلف بدرّة حليبك يلي ثديك ربّة بصرار ونصر
يلي خليت المناضل يرگص بعود المشانق وانته قيثار اووتر
(كأن الحديد في معصميه مفاتيح مستقبلٍ زاهرٍ)
وانته تبگة اكثر واكثر واحلى من كل الشعر
(واعلى من عود المشانق)
واسعد ايام العمر

عبد الاخوة التميمي

#نزار_عبد_الاخوة_التميمي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل