عطش نهران

كامل الركابي
(Kamel Alrikaby)

الحوار المتمدن-العدد: 2179 - 2008 / 2 / 2 - 08:20
المحور: الادب والفن
    

علامك ياحلو
ايعذَّبك زمان الفات
تستاحش
وﺘﮔطر بالمراره
اعيونك الحلوات
موبعدك زغير
وصافي نيه
وحالم الخطوات
موﮔلبك طفل
ينبض ترافه
ويحلم ابنجمات
لليل الطويل
البارد
المسكون رغبات
ياسمرة خبز امي
لذيذ
وتشتهيك الروح
ﺸﺒﮔﺎت
ياشردة غزال
ابروحي شب وفات
أذبل
من تعاتبني ابخجلها
اعيونك الحلوات
واحزن
من اشوفك
منطفي ومكسور مرات
واتمنى
اسوِّي اﮔليبي الك حنه
وأوج اضلوعي
الك شمعات
واشم بيك العرس للدوم
وأﮔل للغيض:
فوت ابزودك
ودﮒ خنجرك
بمهامس الشمّات
حبوبي
ولاخلي الزمان الفات
يلعب لعب بعيونك
يلعذيبي ولاخلي الشماته
اﺒﭽلمه ياذونك
واشب وي الورد غيره
لوّن راد الورد
يتلوّن ابلونك
واطﮒ نخله جنوبيه
ابحلاوتها الك
مابينك وبين الدروب
البيها عشّاﮒ
عذب
لوتعرف اشبيَّ ؟
عطش نهران من اشتاﮒ
لوَّن هالمستحه البصراوي
بس هالمستحه
الياخذني من اﻠﮔﺎك
ينباﮒ
ﭽﺎ خليت ﮔلبي
ابفيض اصابيعك
ﻴﺤﭽيلك اشخلّه
ابحالي الفراﮒ !

#كامل_الركابي (هاشتاغ)       Kamel_Alrikaby#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل