مطلوب تدخل سريعا من أصحاب القلوب

نصر القوصى

الحوار المتمدن-العدد: 2161 - 2008 / 1 / 15 - 07:34
المحور: حقوق الاطفال والشبيبة
    

أرسل لى الشاب المسيحى (ع .ع ) بهذه الشكوى طالبا منى المساعدة راجين منى عدم ذكر الأسم وأن أحتفظ بالأسم والعنوان لدى ونظرا لأننى لا أملك سوى قلمى فأنشر هذه الشكوى أيماننا منى بأن هناك قلوب رحيمة لازالت موجودة تحب عمل الخير وتسعى له وسوف أنشر مشكلته كما أرسلها لى
لقد وعيت على الدنيا لقيت نفسى وسط خمسة اخوات وابويا وامى عيشين فى اوضة وعمى واولادة فى الاوضة التانية وجدى قافل اووطين كنت بحس بالظلم بس كان عندى امل انى فيوم تتفتح الاوطين كان حلم انى افتحهم بس مش بايدى كانت بحلم انى اساعد اهلى وبالخصوص امى بس حعمل اية اشتغالت انا فى رابعة ابتدائى اكتر من شغلانة اشتغالت عجلاتى و نجار موبيليا و فى كوافير و نجار مسلح ومازالت بشتغل حتى الان وانا فى 2 ثانوى أرسلوا لى فى النادى العب معاهم مباراة و كانت بحب الكرة قوى وفيوم روحت جلست على الصور اتفرج فلمحنى المدرب و طلب منى انزل العب مباراة فرضفت فألح على فنزلت ولعبت لقيتة بيمدح فيا قوى وقالى انى موهوب ومستقبلى كويس فى الكورة المهم لعبت لمدة اربع سنين وفيوم قالى المدرب انى مطلوب فى ناديين كبار بمبلغ كويس فطلب منى النادى أن أوقع عقد معاهم علشان لو حصل وبعونى يكسبوا فيه فوافقت وكان وقتها دورة رياضية فطالبت من مدربى انى العب مع فريق الكنيسة ولعبت وأصبت فى قدمى بقطع فى غضروف الركبة وقطع فى الرباط الصليبى ووقتها جدى توفى فأخدنا الأوطين اللى كان ساكن فيهم وكان الأهل فرحنين لأن المكان أتسع وبيفكرو يركبو مية ونور وانا وسط كل ذلك كنت بتالم قعدت اتعالج سنة محدش قالى انت فين النادى طردنى والكنيسة تخلت عنى لانهم قالو النادى لا بد أن يعالجك والنادى قال انت انتهيت في حين أن احمد اللى فى الفريق بتاعى أتصاب أيضا نفس الاسبوع وعالجوه فلم أجد مفر أمامى سوى الذهاب الى مستشفى أسيوط الجامعى لأقوم بأجراء عملية بالمجان فاتحجزت بداخل المستشفى وطلبو منى مسامير وشريحة ومشبك فلم أستطع شرائهم فتركت المستشفى وذهبت الى المنيا فاتحجزت 4 اشهر كل يوم اروح وارجع لدرجة دخلت غرفة العمليات وخرجت من غير ما أعمل العملية وفيوم لقيت الدكتور بيطلب منى اصوم لعمل تحليل دم كان فوجدوه كويس وقموا بقياس الضغط والحرارة ودخلت العمليات فلقيت الباب مش بيقفلوه وناس داخلة وناس طالعة وانا مبنج بنج نصفى فلاحظة أن الدكتورقرب للمنظار وقال للدكتور شكله كده عطل ققالى الدكتور يأبنى خلاص العملية خلصت فقالى آه مبروك هترجع تلعب من تانى لأنه ميعرفش انى كانت بلعب وخرجت من المستشفى قعدت شهرين اتعالج وبعدها حاولت العب ملقيتش فايدة رجلى بتلف وتخونى واقع ورجلى التانية ضعفت ومعدتش تقدر وحدها خرجت الى الشغل ورجلى كلها آلم ومازالت وفيوم واحد قالى اعمل تحليل دم وهتسافرروحت فلقيت ذكره من المستشفى فيرس سى معرفتش وقتها اعمل اية امى قدام عنيها بتبكى واخواتى زعلانين الحلم انتهى حببتى وقفت جنبى ومازالت ولولاها كنت انتهيت بحاول احقق جزء من الحلم ومش عارف بجد مش عارف يا ترى اية السبب انى ممضتش العقد قبل ما أصيب ولا انا غلط انى لعب كورة على الرغم من أحساسي من أن الناس بتكون مبسوطة لم بلعب وحاليا تخلى عنى كل الناس نفسى اتعالج او القى شغل اقدر اتقدم بيه لحببتى واقدر اسيب لاهلى معاش لو مت نفسى اغمض عينى القى حلم واحد اتحقق وفى النهاية من يريد أن يساعد الشاب فليرسل لى على أميلى وهو
[email protected]

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل