رامز صبحي
الحوار المتمدن-العدد: 6241 - 2019 / 5 / 26 - 02:47
المحور:
الادب والفن
مشيته زي مخرطة الملوخية
لو زاد يمين أو شمال شويه
مراته تشهق عليه
وترش تقليه
لكنه حكيم زمانه
واخد ثقافته
من اللي باعوا
واللي خانوا
يمضغ أكاذيبهم
بسنانه
ويحبس بالتبغ
جوه دكانه
واليوم ضيوفه
شيخ وقسيس
جايين بأمر من البوليس
يخطبوا ويوعظوا
في سكان الحارة المحابيس
عن فايدة الفقر والغلا
ويقولوا للناس يا ناس
الشيوعيين دول أحفاد أبليس
هيجرى أيه لو مالك هذا الدكان
باع لكم الهوا في كيس
مش بمجهوده عباه
وجري بالمشوار وراه
يبقى ازاي يجي شيوعي
قاعد زي التيس
يقولك الهوا ملك الناس؟
ده حتى ما يرضيش ربنا
اللي ميزنا عن بعضنا
بصحبة عمنا ومحبة البوليس
؟؟؟؟؟؟؟
#رامز_صبحي (هاشتاغ)
كيف تدعم-ين الحوار المتمدن واليسار والعلمانية
على الانترنت؟