خليك في حالك

ميلاد سليمان

الحوار المتمدن-العدد: 4883 - 2015 / 7 / 31 - 16:36
المحور: كتابات ساخرة
    

بنت في بداية ارتباطها بشاب، والاثنين واضح جدًا أن فيه ميل وانجذاب بينهم، وهتبقى قصة حب مميزة، وكلامهم بيدل انهم هياخدوا خطوات واضحة في علاقتهم، ولكن من بعيد فيه شخص واقف يعرف الطرفين كويس من فترة كبيرة، وعارف إن حد فيهم له سوابق لن تسر الطرف الثاني لو عرفها!!، وبيبقى الشخص دا محتار يتدخل ويعرَّف طرف بسوابق وذكريات الطرف الثاني ولا يسيبه على عماه!!، وبيحس بمسئولية تدخله وتطفله على حياة غيره!!. دي من المواقف المتكررة، اللي بتخليك تبقى قدام عشرات الإحتمالات؛
- ما يمكن الطرفين عارفين سوابق بعض وراضيين ومبسوطين بكدا.
- ثانيًا إنت مالك بغيرك لها سوابق او له سوابق دي حاجة عادية ومفيش إنسان صافي يا لبن حليب يا إنجوي.
- ثالثًا حضرتك مش هتحل مشاكل المجرة بتدخلك بينهم واتخاذك دور الفارس الشجاع اللي جاي ينقذ الأميرة من التنين ويمسك بزها يمص فيه شوية في غرفة القصر الملكي.
- رابعًا ما يمكن سلوكيات الشخص إنه حد مش تمام دا كان معاك انت بس لأنك انت كمان حد مش تمام وتستاهل انه يعاملك بالشكل اللي مضايقك، لكن في علاقته الجديدة اتغير وبقى مختلف.
- خامسًا انت فاكر اما هتروح لواحدة او لواحد وتقوله انه مرتبط بحد كان وكان وكان، انه هيقف يصقف لك وتظهر هالة النور حوالين دماغه وتسقط قشور الغباوة والتغييب عن عينيه، بالعكس غالبًا بيعاند اكثر وبيعتبرك حد متربص ابن عرص حابب تنكد عليه وتبوظ له فرحته.
- سادسًا عادي جدًا إن فيه ناس بتبقى - في الظاهر- نظيفة ولكن مع العِشرة والمواقف اللي بتبين المعادن بيظهروا إنهم موامس ومخنثين كغيرهم.
بالتالي خلاصة الكلام، أما تشوف اثنين مرتبطين وانت تعرف حاجة عن سوابق حد فيهم، كبر دماغك، اللي بيشيل الطين بيشيله لوحده، وما تقلقش وتشغل بالك، أما يفركشوا محدش فيهم هيرجع يعيط لك ويقولك "انت مقولتليش ليه من الاول انه بلا بلا بلا!؟".

#ميلاد_سليمان (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات