محمد السعيد أبوسالم
(Mohamed Elsaied Abosalem)
الحوار المتمدن-العدد: 4716 - 2015 / 2 / 10 - 04:03
المحور:
الادب والفن
كمل رسمتك
عاوزها قوس أخضر
قصاد خطوتك
عاوزها زرقه وصافية
فوق جبهتك
كمل رسمتك,
الحلم أصلة خيال
منسوج من خيوط المحال
طول ما أنت حبسه
تحت مخدتك
كمل رسمتك,
كمل رسمتك
إرمي كل ألوان الخراب
ألوان الظلام
وإرسم حلمك بغنوتك
وإياك تسلم لليأس دفتك
أول خطوة لحلمك رسمتك
إرسم بالحروف ثورة وطن
ويمام بيرفرف قصاد الغمام
ويشتت بصموده الظلام
كمل رسمتك,
كمل رسمتك
وإنهى فصول الأحزان
آن آوان فرحتك
إرسمها كلام
إرسمها ألوان
إرسمها ألحان
حررها من المنام
من حريتها تبتدي حقيقة خطوتك
كمل رسمتك,
شد حبال الصمود من عتمة المجهول
شايف من آخر عتمته ضي ؟!
دا حلمك اللى نقشته من المحال
فى جدار اليأس قبل رحلتك
أصبح حقيقي مستني لمستك
كمل رسمتك...
#محمد_السعيد_أبوسالم (هاشتاغ)
Mohamed_Elsaied_Abosalem#
كيف تدعم-ين الحوار المتمدن واليسار والعلمانية
على الانترنت؟