حب ايه اللي بتتكلم عليه يا فالينتاين

جان نصار

الحوار المتمدن-العدد: 4365 - 2014 / 2 / 14 - 14:01
المحور: كتابات ساخرة
    

مشان حضرتك يا سيد فالينتاين ومبادئك تجميع الاحباب احنا اليوم نعاني .بصراحه خلقتلنا مشكله على الفاضي.شو يعني حب وليش لازم يكون في يوم خاص او عيد حب يعني شايفنا لهدرجه فاضين اشغال احنا الشعوب العربيه .والله عندنا الف مليون مشكلي ومع هيك اعياد بالهبل نقصنا عيد حب.
طب ممكن واحد يفسرلي معنى الحب والمشاعر والاحاسيس وشو الفائده المرجوه منهم. اعتقد ان الحب هو احساس دخيل على مشاعر وعواطف الشعوب العربيه سلط علينا من قبل الغرب الكافر والامبرياليه العالميه ويللا كمان الصهيونيه لتفتيت وحدتنا وتجانسنا الاجتماعي واشتم منه رائحة المؤمره لاننا بصراحه نظرية المؤمره مؤثره علينا حتى في الطبيخ فما بالكم بموضوع خطير زي الحب.
احنا الحب عندنا بالفطره ولا يحتاج الى يوم خاص واحتفال وعيد. كل السنه ما شاءالله اعياد مش ناقصين ولشو الصرف والبعزقه وبيناتنا الرابح الاكبر والمستفيد همي النسوان والكل صار يعرف رأينا العرب بالنسوان ناقصين عقل ودين وبدهم عرس يرقصوا فيه واحنا شعوب محافظه وهيك خلاعات ما بتلزمنا.والحب شغال على طول السنه .يعني نازلين سلخ حب ومش ملحقين والنتائج ملموسه على ارض الواقع.احاسيسنا وعواطفنا كتير جياشي ومفعمي ومولعه زي النار.
نحن الشعوب العربيه نترجم الحب على ارض الواقع بممارسته عمليا ولهيك الزياده السكانيه هي الاعلى بين الشعوب.
شو شو شو سامع اصوات بعض القراء بتقول ان الجنس والنكاح هو غير الحب والعواطف ..لا يا جماعه انتو فاهمين الموضوع غلط احنا اناس عملين ولشو هالمقدمات والعواطف والاحاسيس اللي بتسموها حب .اول على اخر نهاية الحب هي السرير احنا هيك من جيبها من الاخر , وبديش(لا اريد) اسمع من حد انو يقول عن هالموضوع هاي غرائز حيوانيه او شهوانيه ومش هي الحب .عند العرب كله قطين(التين المجفف).
السعوديه والاسلام السياسي تعتبر عيد الحب هو عيد الكفره الصليبين يعني عند العرب حب يوك ما فيش ممنوع بأسم السلطات العليا. ممنوع أي مظهر من مظاهر هذا العيد وخصوصا الورود الحمراء والتذكرات مثل التدي بير الاحمر او القلوب الحمراء أي شئ لونه احمر ممنوع اليوم فقط .يجب ان لاننسى ان اليوم يصادف الجمعه وصلوا وحبوا الله فقط.غدا سنتابع معكم ومع اللون الاحمر ولون الدماء الحمرء التي تستنزف من ابناء الشعوب العربيه حبا لله فقط ولاتسموها ارهابا ارجوكم.
حكومة حماس منعت الاحتفال بعيد الحب والشبا ب والشابات مطقعين لهالحكي ونازلين شراء ورود وقلوب حمراء وبوجهوا رساله لحماس بتقول ما تصبروناش ما خلاص احنا صابرين ومللينا.
انا كعادتي بهاليوم السعيد نزلت على السوق واشتريت كل اشي لونه احمر ما عدا الورود مصروف على الفاضي وبعد يومين بتدبل وما في منها فائده.
انا انسان بركتيكال عملي اشتريت 5 كيلو بندوره حمرا للطبيخ والسلطه والعصير وعشان حرمنا المصون تشتغل بالبيت زياده بهاليوم السعيد زياده عن شغلها العادي كل ايام السنه.واشتريت عصير رمان طبيعي لانه مناسب للقلب لي ولها لنتذكر الحب عن طريق القلب.واشتريت فراوله(توت ارضي)حمراء لانها صحيه وطاردة سموم.واشتريب شمندر (بنجر)احمر منعا لامراض السرطان. ولحمه حمراء فليه ستيك للاكل المهم ان المشتريت كلها حمراء.اما ضمة الورد ادعيت ان صاحب محل الورود خرج ولم يعد وكان في الصلاه.
تخيلوا يا اعزائي القراء اصحاب محلات بيع الورود ينتظرون هذا اليوم بفارغ الصبر وجنابي بكذب على المدام انو المحل مغلق. أي والله تخنتها انا..بدل ضمة الورد اخذت ضمة نعنع وبقدونس وضمه كبيره ميراميه مشان المدام تسوي منها شاي لتهدئة الاعصاب وتخفيض الضغط لانه اكيد انا رفعتلها الضغط وجبتلها ضيقة النفس.
يمكن المرا الليله على العشاء الرو م انسي راح تفكر اني اشتريتلها اساور الذهب اللي وعدتها فيهم قبل شي اكم سنه ولا ماني ذاكر امتى . بس يا جماعه ثمن الاساور اليوم خصوصا مع ارتفاع اسعار الذهب صار بالعلالي ولو معي هيك مبلغ كنت بتجوز مره تاني.ارجو ان لا يصل هالكلام لزوحتي لانه بعيد عنكم راح اكول علقه ساخنه ما بعرف نتائجها الا الله .
اتخيل الليله العشاء الرمانسي مع الشموع والورود والنيذ الاحمر للبعض وكلمات الحب والمشاعر الجميله والزوج يقول لزوجته مثلا بعد شي كم سنة زواج بعدك بتحبيني يا حياتي وهي تصفعه بكلماتها الرقيقه الله يقطع الساعه واليوم اللي تعرفت فيهم عليك ويجيبها بحنان ورقه كان يوم اسود يا حياتي يا ريتو ماكان وتبدء فصول جديده من مسلسل العشق والغرام وتسدل الستاره.
ختاما للجميع هابي فالينتاين دي بالعربي عيد حب سعيد الله يبارك ويزيد.

#جان_نصار (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات