فتحى غريب أبوغريب
الحوار المتمدن-العدد: 3458 - 2011 / 8 / 16 - 00:18
المحور:
الادب والفن
إصحى يابلدي ..أبوس رجليك ..
شايف ليل الظلم طل عليك..
تاه ...يابلادي ..تاه فى الزحمة ..
صوت بينادي..
إللى قتلني عديم الرحمة..
شايف دمع عيونك يا مَه..
شايف فوق القبر..
أم شهيد بتنادي..
فين ياولادي حق الشهدا ولادي..
فين العدل ..لما يكون القاتل ..
هو الحاكم ..هو القاضي ..
آه يابلادي ..وآه يابلادي...
فين الرحمة ..يامجلس واطي ..
خان الثوره..
فين الحق... دا ..الحريه..
فوق العيشه..وفوق اللقمه..
مصر يا نهر دموع الوادي..
حبسوا ضناها..هدوا ضحاها
كلاب ورصاص الغدر...
دبحوا أحرارها..
وطفوا نهارها...ولسه بنادي آه يابلادي
#فتحى_غريب_أبوغريب (هاشتاغ)
كيف تدعم-ين الحوار المتمدن واليسار والعلمانية
على الانترنت؟