قصيدة مصطفي النجار: عالم عوالم

مصطفي النجار

الحوار المتمدن-العدد: 3372 - 2011 / 5 / 21 - 20:31
المحور: كتابات ساخرة
    

هيص هيص

يا قلبى زقط واتنطط

دا عمرى ما ضعش عليه

قلبى بين ايديك

اه واقف بيبص عليك

بيبص على أرض ضاعت والسلام

وبيرجع بالأيام ما كان

وطن ملموم محبوب

تقديس أرضه وعمار عمره

كان أهم إنجاز

داسه كل قذر جبان

داس على الطهاره برجلين مش طهرانه

لطخ وعفر وبوظ كل شئ

ضاع من ايدينا

ضاع زى ما ضاعت الكرامة

ياااه .. يوم نكسة منكوسة

وهزيمة مهروسة

في طبق طبيخ خسرانه

دنيا عالم بيها خالقها

وبيهبش كل مين شافها

كإنها لقيه واتوجدت

اختطف .. اسرق .. مزق

جسد الوطن اللى كان طاهر



**

ضاع شرفه يوم..

يوم ما كان له شرف

قسموه فئات

مسلم ومسيحى

سنى وشيعى

بروتستانت وكاثوليكى

وحاجات جديدة كتير

يلا مش فارقه

المهم .. نسينا عدونا الأصيل

نسينا ولا اتنسيا ولا ...

خلص الكلام

مفيش جديد

الأخبار هى هى بتاعت السنين اللى فاتت

وإيه الجديد

أخوات متفرقين

وجسد عليل

وكلام من غير تفعيل

أصبحنا عالم عوالم

الرقص في العلاقة

والجنس مبقاش علاقة

خلينا في الدين

أقوى سلاح ليوم الدين

انتى سياسية لوز

يبقى السياسة انحياز

انحياز لوز وبطاطه

فين مصلحتى وفين قبضى؟!

هنا .. أه !

إذن انتى حبيبى وروحى وعمرى

وفداك كل سنين اللى جايه واللى عدت

يهود الطبع ، وانسى الدين

دين ودينك ايه ؟ الدنيا أولى

لولا لقمة العيش لكنت شريف

نظيف وشريف

كلمتان في زمن التجاوزات

وعصر عدي وفات

وهو ده عصر البطاطا

بطاطا السياسة وفتاويها

فتاوى بظرميط

لونها فسحلقى

مدهون برمادى فاقع

فقعلى مرارتى

وخلانى مش على بعضى

مريحنيش بالمره

لكن مطرين نستنى

وندعى ....

يااااا رب

#مصطفي_النجار (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات