ميسون نعيم الرومي
الحوار المتمدن-العدد: 7518 - 2023 / 2 / 10 - 14:32
المحور:
الادب والفن
احتجت ارضنه اليوم علنت غضبهه
والسـبب بالإنسـان ناكـر فضلهه
***
ينكر فضلهه ايريد يتعده ع الكون
ايغير ابكيفه اشلون ! والفلك موزون
***
صحـِّـرَوا ارض الله لعـّـبوا بالأنهار
قانون الطبيعه اختل هذا الـِذي صار
***
نصبوا اهوايه اسدود ما تحمل الگاع
احتجت اوگالت بس ! وابلحظه وابساع
***
عـَطـِشـَـوْ بالگيعان نشـْـفـَـوْ بالاهوار
غـَـيـْـروْ نظام الكون هذا الجره صار
***
هاي الطبيعه دوم تحمي نفسهه
واحنه عليه اضيوف انخرب ارضهه
***
بالفقره طاحت حيف ! واهتزت الگاع
انربدت ربد هالناس ! والگلب ملتاع
-------------------------------------
7 / شباط / 2023
ســـــــــــــتوكهولم
#ميسون_نعيم_الرومي (هاشتاغ)
كيف تدعم-ين الحوار المتمدن واليسار والعلمانية
على الانترنت؟