طالب الجليلي
(Talib Al Jalely)
الحوار المتمدن-العدد: 5336 - 2016 / 11 / 7 - 23:26
المحور:
الادب والفن
إجنك والمنايا اتحوم
تلكّاهن يلمعثّر
والفلّوجه درس انطت
دخذ عِبره يا طرطر
سود امكحله ابارود
غيمة غضب
تنثر نار من تمطر
ياهو القشمرك
تعبر احدود الصبر
هذا اعراك
علأنذال مايصبر
كبلك ندم كل محتل
واتندم حتى الاسكندر
للموصل اجتك
والمنايا اتحوم
سود امدرعات ابعشك
بس للكاع
حلفن بالفرات اودجله
هذا اعراك
يمكن مرّه يعثر ..
لكن ابد..
للموت ما يتقسم
ولا ينطر ..
هذولا احنا عراقيين
اذا فد يوم اختلفنا
مو بينا كلنا الصوج
صوج السلم لحيته
للي مو بس باع الوطن
للمحتل
حتى ( الله ) باعه بسم الدين
والمذهب..
بيعة ( كحبه ) وكت الظهر
ما تصبر
6 تش2 2016
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟