شيرين سباهي
الحوار المتمدن-العدد: 4851 - 2015 / 6 / 28 - 14:49
المحور:
الادب والفن
أستاذ لا تعلمني الدار والدور
أستاذ أنا من چنت نطفة أعرف اقرا
أستاذ أعلى شيلة امي كتب المتنبي
وعند باب بيتنا كعد ابن المعرة
أستاذ نسيت أنا ذكرني بشكل خبزتنا
مربعة لو مدورة ...
أستاذ جواعة أحنا بس نشبع من نكتب
كلمة طحين على تراب الوطن احنا الفقرة
أستاذ أحنا مانشم الهوى
نتنفس الموت وتخاوينا وياه بالفطرة
أستاذ مكسور خاطر اللهفة
وشوف امي اللي
يلهث بكبره
أستاذ باجر الأربعين
وتراها الروح مذبوحة اعلى مقصلة النظرة
أستاذ أمي مثل بغداد بيها
ريحة الله من كثر الدموم التجرة
يمى فزي نسيتي صوتج
يعزف أعلى الوريد أبحسرة
يمى دزيلي حظنج
قصيدة ليل
يمى ذبحتني خناجر العبرة
يمى كل شي بعيني زغير
بس أفركاج يايمى عليه اشكبره
#شيرين_سباهي (هاشتاغ)
كيف تدعم-ين الحوار المتمدن واليسار والعلمانية
على الانترنت؟