اعزف اودگ بالربابه

ميسون نعيم الرومي

الحوار المتمدن-العدد: 8882 - 2026 / 11 / 7 - 16:03
المحور: الادب والفن
    

اعزف اودگ بالربابه
كل يوم النه فد طلابه
اسنين راحت واجت
بالوطن نفس العصابه
فرهود بوك او نهب
والشعب راضي ابمصابه
***
دندن واعزف بالعود
انمسح كل الموجود
لملوم اجه مدري امنين
التملو اجو مثل الدود
كلشي خلص ماضل شي
والشعب ساكت مكرود
***
اضرب اودك بالطبل
سمع الوادي والجبل
جوع او مهانه او مرض
ماكو شغل لاكو عمل
راح النفط راح الخير
والشعب ماجن موجود
***
اتعلم بيانو اوكيتار
او غلس على ذوله العار
وكَل اولادك خبز الحاف
فلوسك اتصدرت للجار
عطشت انهارك للماي
لا ضل زرع لا اشجار
***
اعزف واغني ع الناي
سمع الرايح والجاي
راحت اولادك غربت
طش العمر مثل الماي
اعزف او بعد اعزف حيل
سمع العالم بلواي
عود او ربابه اوطبل
كيتار بيانو وي ناي
اعزف وظل اعزف
يا بعد ( هايه او هاي )
……………….. ……..
7 / 11 / 2027
الســـــــــــــــــــويد

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل