بوگ عيني بوگ

ميسون نعيم الرومي

الحوار المتمدن-العدد: 8815 - 2026 / 9 / 1 - 15:10
المحور: كتابات ساخرة
    

بوگ عيني بوگ
لا عقاب او لا سؤال
لو چنت شايب چبير
لو چنت شاب او زغبر
لو مريض او عليل
لو مكانه او تگدر.. تبوگ
القاضي گلبه چبير
تطلع براءه اكيد
والبگته.. بالجيب او حلال
اتمتع ..او عيش ابسلام
ابفالك امشي امام
بوگ عيني بوگ
بوگ
***
بوگ او أبد لتخاف
لامن دره اولامن شاف
سفط افلوسك وارتاح
وانسه الزمان اللي راح
صاير ملك لو أمير
من تمشي موكب كبير
بوك واغرف ماتريد
والشعب حصته عصيد
للصوبه جنك نسيت
والسبح ويه الباكيت
أظلم او اكتل اوبوك
لأموال كلها حلال
امخمسه وامسدسه
بوگ يابه بوگ
بوگ
***
بوگ الاراض والعقار
لا تستحي او مامش عار
ابيوت واراضي او ساحات
چانت ملك للأسلاف
لاظل ارض لا ظل بيت
بوگ او نهب صاير كار
العمامه عدل والعباة
زيـٌـد السبحه شاهول
او ضحي ابذبيحه للعيد
الشعب بيكم سعيد
وانت الورع والكبير
بالزفه امشي مرتاح
القاضي كلش رحوم
ايده نظيفه او حباب
لايرضه رشوه ..
اولا حرام
لو طفل جكليته باگ
حصته شديد العقاب
وانت الجبيرالجليل
بوگ عيني بوگ
بوگ
………………………..
1 / تشرين الأول /2026
ســـــــــــــــــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل