الزمن دوار

ميسون نعيم الرومي

الحوار المتمدن-العدد: 8394 - 2025 / 7 / 5 - 15:25
المحور: الادب والفن
    

متفقه كلهه اليوم تمحي الأدلـَّه
لو يطلع المستور .. يفضح الشِـلـَّه
***
هذا النفط بالگاع .. نقـمه علينه
لو يخلص او نرتاح .. چاما بچينه
***
رَيفوْ بلدنه اشرار .. هجموْ صرحنه
حكمونه بس اوغاد .. ينحـَـب وطنـَّه
***
شفنه الظلم لوعات .. شفنه المصايب
مربوده يا بغداد .. ماضل حبايب
***
اتريـّـفت بغــداد .. تنحب حزينـه
والخضره لبغداد .. صارت مدينه!
***
ما شفنه حاكم دام والزمن دوّار
يكنسهم التاريخ وياهم العار
***
يوم او يجيهم يوم ماتنفع افلوس
لاحفره جوه الگاع لا كرسي منحوس
***
ملچومه هاي الروح تعزف ربابه
ونـَّـت ونين الناي .. تـقره عتابـه
***
هذا العراقي دوم روحه حزينه
من كثر حزن البيه نسمع ونينه
***
يا روحي بسچ عاد بسچ تحنين
راح الوكت چم دوب وانتِ تنوحين

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل