ما نـنـطـيهـه...

ميسون نعيم الرومي

الحوار المتمدن-العدد: 8586 - 2026 / 1 / 13 - 14:01
المحور: الادب والفن
    

ما نـنـطـيهـه

نـنـطيهه او ما نـنـطيهه...
ابشـِـر.. وابسـكـته خـليهه
اتــدور اوجوه .. اوتـرجع
واسـنـيـن العـمر.. اتغطيهه
اتـخِـيـط ..اتخـَـربط .. تـلعب
نـفـس المسـتـنـقع يحميهه
والخـبـزه الكاشـخ بـيهه ...
لهله او ربعه يهـديهه
ما نـنـطيهه...
***
نـياشـيـن اهـوايه ابـچـتـفـَه ...
اشـنحسب ! شـنعـد.. نرويهه
چـثـيـره امصايـب تـوجع
والدم اليـجـري .. يـرويهه
يـ أم (حسين) ام (احمد) وام عباس
بگـليـبچ نار.. اشيطفـيهه !
اوليـدات ( الفين ).. انـذبحـت
نِـشـدوا (سـبايكـر) يحچـيهه
لا .. ما نـنـطيهه !
***
لو (موصلنه) .. التـنـزف يمـّه!
قرر.. (للداعش) .. ينطيهه
لو دمّـچ (تشرين) اليجري ...
لچـفـوف ( التـرفه ).. ايحـنيهه
والآلاف اتعوقت ..عيني ..
منسيه او محد يدريه
ياويـلي اوويـلاه .. اويلي..
نار الگـلب .. اشيطفيهه ؟
ما.. نـنـطيهه...
***
السـبـح اللچانـت زاده ..
مليارات و خضرت .. بيهه
سـنـيـن (اثمانيه ).. انمردت
وانـوب ايـريد... ايـرد ليهه
يا وكسـَه اوخـيـبه ..اوفشله
اردود اسنين ..او نرجع ليهه
نـنـطيهه لا.. ما نـنـطيهه...
ما ... تـنطيهه ؟؟؟
----------------------------------------
13 / كانون الثاني / 2026
ســـــــــــــــــــــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل