دنيتدنه عجيبه

ميسون نعيم الرومي

الحوار المتمدن-العدد: 8832 - 2026 / 9 / 18 - 15:43
المحور: الادب والفن
    

دنيتنه عجيبه
الناس بيها اشكال انواع
بيها .. الدنيّ الردي….
اوبيهه الينشره اوينياع
اوبيها اليخون اويرتشي
وبيها ابميت وجه وايبدل ابساع
او بيها للكحله يبوگ امن العين
***
چم صاحب حسبته وفي
اووكت الشدايد غاب
او چم واحد حلف …
يبقه وياك للموت
او من ضاگت …
شرد واتبدل ابساع
او چم واحد يگرضك گرض...
بس تلتفت... ليغاد
***
دنيه عجيبه
بيه العاش ابظلم …
واتعذب اهواي
او من سلطه بيده اجت…
خان او ظلم الاصحاب
اوبيهه البخيل الجلف …
يجمع فلس فوگ الفلس …
كيعان يملك والذهب …
او ياكل خبز ما ينعلس
***
اوبيهه الحرامي النذل …
نشال ابد ماينحزر …
ايخطط ايبوگـك غفل…
اوعينه ابد ماتنترس
وبيهه من يحلف حلف !
بالانبياء اوبالرسل …
تكتشفه بوخة …
والحچي چذب ابچذب
***
او بيهه العينه عليك ابغض …
ويراقب اكلك واللبس
يتمنه يجيك المرض …
لو تنكتل لو تنحبس
او بيهه الوفي والحباب …
واللي ابد ماينباع
مثل الذهب والالماس…
ماتلگه غيره لو ضاع
***
دنيه عجيبه رحله قصيره
بيه اهواي الوان
بيهه الزين اوالشين
واليمشي يم الحيطان
بالتالي امنه الكاع
كلنه تلمنه ابعجل
كلمن ابيومه اوساعته
اوتاخذنه بالاحضان
-------------------------------------------
ســـــــــــــــــــبتمبر / 2026
ســــــــــــــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل