الدلعدي فيكتور هوجو والتغيير

ميشيل الراهب
(Michel Alraheb)

الحوار المتمدن-العدد: 8827 - 2026 / 9 / 13 - 09:51
المحور: كتابات ساخرة
    

اقولها ورزقي على الله :

الناس اللي مستنية التغيير ييجي من المجتمع كله واهمون ( بالفصحى وواهمين بالعامية ) .

التغيير دايما بيجي من الصفوة المثقفة او اللي بيتقال عنهم :

The educated elite

الثورة الفرنسية مثال صارخ لكدا.

كتابات الدلعدي فيكتور هوجو واللي ميتسماش جان جاك روسو مغيرتش كل المجتمع الفرنسي.

غيرت الصفوة، وهما اللي اخدوا على عاتقهم القيام بالتغيير.

المجتمع اللي حضرتك مستني يتغير ويتحول لدولة علمانية بتساوي بين الكل في الحقوق والواجبات بغض النظر عن العرق والدين والجنس اكتر من نصهم مبيعرفوش يفكوا الخط.

واللي مش آخد باله ارمي بس عنيك ع البحيرة هتلاقي آلاف الحجاج بيتباركوا ببقرة هناك وعايزين يعملوا مقام السيدة لافاش كيري رضي الله عنها.

التغيير يا سادة - ويا سكر زيادة - وتحديداً في مصر المحروسة بييجي من فوق والتاريخ شاهد من ايام الفراعنة أما كان الفرعون يوحد القطرين يفرض عبادة آلهته ويديهم الأولوية.

وفي عصر الفاطميين اتحولت مصر بين يوم وليلة لدولة شيعية واتأسست اكبر جامعة شيعية ف العالم واتلعن ابو بكر وعمر وعثمان وبني امية.

واما وصل صلاح الدين " القليوبي او الايوبي " رجعها تاني سنية ولعن سنسفيل ام الشيعة وكل الشعب اخد الموضوع عادي وايزي وكاجول وابو حلاوة يا تين.

احنا شعب تدينا قشري ظاهري محتاج اللي يدفعه للأمام، وفكره موجه مسيس. وعشان يحصل التحرير دا لكل الشعب محتاج قرون، ولكن لازم البداية بانتخاب الصفوة وانتجاب المستنيرين.

أما انتظار التغيير العدمي العبثي القدري فهو انتظار لا نهاية له يشبه مصارعة الاخ دون كيشوت مع طواحين الهواء، ويجعلنا أشباهاً ل" طرطوف" الذي ارتدى كل الأقنعة ليواكب كل الأزمنة.

أقول قولي هذا واستغفر الله لي لنفسي بس لإني عارف ان محدش هيعجبه كلامي.

#ميشيل_الراهب (هاشتاغ)       Michel_Alraheb#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل