إديني ف الهايف وانا احبك يا ننس

ميشيل الراهب
(Michel Alraheb)

الحوار المتمدن-العدد: 8826 - 2026 / 9 / 12 - 11:47
المحور: كتابات ساخرة
    

الواقع بيفرض الهلس.

كل حاجة حوليا بتفرض إني أكون هلاس بعيد عن أي جد أو منطق.

لإني لو فضلت ع الجد قطعاً حقاً صدقاً ويقيناً وبلا شك ولا جدال ولا مندوحة ( عسل أوي مندوحة دي من بقك يا واد يا ميشو )
هيجيني ارتيكاريا حبيبية أو شلل رعاش م اللي بيجي لكل الناس.

ناهيك عن متلازمة الجلطة الليلية اللي مبتلحقش حتى تحط الحباية اللي تحت اللسان
والسكتة الدماغية اللي لو نجيت منها هتلاقي نفسك - وللأسف - تحولت لكائن غريب عجيب منقرض يا إما زملكاوي أو عكاشي ( نسبة للعكش توفيق عكاشة ).

الكلام دا مش على عواهله؛ لإن الواقع السياسي بيقول إننا بنعيش أقصى وأعتى وأفجر درجات العهر واستبلاه الناس.
مفيش أي اعتراف بكرامة المصري ف بلده، ولا فيه صيانة لأبسط حقوق الإنسان في الحياة بمية أو هوا نضيف أو لقمة تسد رمقه.

ووطن منتهك ومتباع كل حتة لبلد، ولاجئين عبيد بقوا أسياد، ومواطن سيد بأة محتار لا هو عبد، ولا صاحب مكان.

ناهيك عن الوضع الاقتصادي اللي بيوضح بجلاء إن البلد دي لو مسكتها سعدية الماشطة مكانتش وصلتها للدرك الأسفل والحضيض اللي وصلت له

وان لو بني صهيون نفسهم استولوا على زمام الأمور فيها مكنوش خربوها زي ما خربوها دلوقت.

الجزء التاني اللي مخلاني هلاس هو الواقع الديني، وهتكلم عن الجزء المسيحي اللي يخصني.

حفاة إيمان آخدين ف وشهم ليل ونهار، وعمالين يكفروا ويهرطقوا أي حد يخالفهم، وقسموا الكنيسة لشنوديين ومتاويين وبباويين واسماعيل ياسين.

واخواننا الإنجيليين قاعدين وعظات عن ربنا اد ايه كيوت وجميل ونايتي وحياتهم زي الخرا

وافعالهم متقلش عن وساخة توتتهم قبل ما يشطفوها بعد الكاكا، ومتاجرة بأي حاجة وكل حاجة عشان اللي ع المنبر ياخد سوكسيه

وف اخر الوعظة يرجع بالتقدمة " إذا كان خادم جوال ولا قسيس من بتوع بلاد الهوى يا بلاد يا بلاد الكندا فؤاد ".

شفت نماذج تدفع للإلحاد، وأحداث تخلي الحليم حيران، ولو نطقت باللي شفته وسمعته هيكون مصيري السب والشتم واتهامات على كل لون يا باتسيتا.

بناء على ما سبق وحرصاً على ما تبقى عندي من قليل من العقل

وحيث أن الثابت، ولما كان ذلك كذلك؛ وتماشياً مع ما تم ذكره، واستخلاصاً لما سبق

فإنني لم أر مفراً من السكوت لأنه قد تبين أن الوضع هو " هوربوس كوربوس "، وتحقيقاً لقول الحكيم " مزاجنجي " :

" إديني ف الهايف وانا احبك يا ننس "
#ميشيل_الراهب
رئيس جمعية الهلس

#ميشيل_الراهب (هاشتاغ)       Michel_Alraheb#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل