أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - الادب والفن - ماريو أنور - الفصل الثالث مسرحية عدو المسيح المثيرة للجدل















المزيد.....

الفصل الثالث مسرحية عدو المسيح المثيرة للجدل


ماريو أنور

الحوار المتمدن-العدد: 1766 - 2006 / 12 / 16 - 09:48
المحور: الادب والفن
    


الفصل الثالث يـــونان

(يفتح المسرح على يونان وأصدقائه)
- يونان / ازاى آنت تقول كده، شوف إنا بقلك إيه......وأنت بتقول إيه .
- ميخا /ازاى أنت بتفكر في كده ، أنت لسه معرفتش الله .
- ناثان / ثواني .....ثواني .....يونان عنده حق ازاى تقول كلام زى داه، إيه....... أنت مش عارف إن إحنا بس شعب الله المختار ، اللي المفروض يهتم بيه بس .....
- يونان / بالضبط ، ثانياً دول قبل كده قتلوا عائلتنا ......... وحرقوا بلدنا ،ازاى بعد دا كله ، ارحلهم وكمان أنقذهم.
- ناثان / فعلاً ، عندك حق يا يونان (ينظر إلى ميخا) أنت إيه نسيت ........ وألا بتستهبل .
- ميخا / لاما نسيتش ...... وبرده مش ناسي انه هما بشر ...... إيه انتم الاثنين ....... قلبكم بقى حجر ... مش قادرين تسامحوا ، أمال طول النهار بتلكموا الناس على ربنا .... وانتو بالشكل داه !!!
- يونان / ايوه...... بس إلهنا جبار وما يرداش بالظلم ....... مش اله ضعيف ممكن يسبب شعبه يتبهدل ويسامح إلى يبهدله...
- ميخا / ه(يضحك) أمال إيه اله ممكن يبهدل بقية الشعوب عشان خاطرنا ........ أنت عارف إن الله
عادل ...... بس مش بالشكل الله أنت بتفكر فيه.
- ناثان / يعنى لو إنسان شرير وبيخالف ربنا ...... وفجأة هوا وماشى عمل حدثه ...( بخبث ) مش يبقى ربنا عاقبه على شروره .
- يونان / طبعاً
- ميخا / طاب والإنسان البار اللي بيحب ربنا وبيعمل شريعته ....... وفجأة برده عمل حدثه ......
ومات وهو صغير ......يبقى إيه ربنا عايز منه إيه؟ ( بسخرية )
- يونان / ( في حيرة ) عايز....... عايز........ مش عارف .
- ميخا / هيا دي المشكلة ........فاهمين غلط ........ فاكرين إن ربنا ممكن يجى على حد على حساب حد ....... فاكرين أن ربنا عشان يظهر حبه لينا انه لازم يموت ويئزى ويجى على الناس التانيين عموماً ..... أنا عارف أنكم مش هتعرفوا تجوبونى .......
- يونان / لا.....بس .
- ناثان / (بغضب ) أنت أكيد أتجنيت........ أنت إيه قلبك حجر..... ازاى ممكن ترحم ناس بهدلونا وقتلوا عيالنا وجدودنا .
- ميخا / وازاى أنتم مش قادرين تسامحوهم ..... ( سخرية ) التسامح , المحبة , العدالة , المساواة , كلمات لكن بدون معنى عندكم ... شعارات بدون جوهر , بنستخدمها لادعاء الفضيلة بدون امتلاكها .
- يونان / لا بنستخدمها , مش عشان فضيلة , لكن بمعرفه لذات الإلهية
- ناثان / أحنا فاهمين الكلام دا كويس , وبنحطه في محله , أنت إيه اللي فهمك .
- ميخا / (بسخرية) أنا أسف جدا لانى نسيت إن انتم بس اللي تمالكوا الحقيقة بس .. و أحنا ... معندناش عقل زيكم , أنتم بس اللي تعرفوا الإله , انتم بس اللي تقدروا تقفوا مكانه في أحكامكم . الحقيقة ملككم أنتم بس , يا الجمال و العظمة و الحكمة الإلهية في ذلك؟!!!!
- ناثان / طبعا أحنا اللي بنحمى الدين من التلصص و الرعاع
- ميخا / وبتحموا الله كمان طاب يا حامى حمى الدين أنتوا بتقولوا أن الله أختار مجموعة معينة عشان يديها الجنة أو السماء وأن الجنة مقتصرة على الجماعة دي
- ناثان / صح .
ميخا / وأن الله بينبذ أو يرفض أي حد خارج عن المجموعة دي وطبعا في الحالة دي ها يكون مكانها الجحيم .
ناثان / أيوه الله مختار شعبة وعارف مكانه من قبل تكوينه !
- ميخا / أسمحلى أقولك وبكل صراحة أن إلهك ..... اله عنصري .
- ناثان / أية عنصري ... أنت مجنون .
- ميخا / ايوه هو من يشاء..... أين مشيئتي , أين حريتي , أين دوري في الحياة ؟ أنا ما اقبلش أبقى ممثل في مسرحية معدة سابقا .
- يونان / ( باستغراب ) أنت ... عارف بتقول أية
- ميخا / الإله اللي انتوا بتتكلموا عنه دا ألهكم أنتم..... اله عقلكم , أله معاقب , اله مفضل في خليقته .... اله سريع الغضب , سريع الرضا ,متناقض على حسب أهوائكم... حسب مشاعركم
* يتجه يونان وناثان فى الناصية المقابلة من المسرح .
- ناثان / أكيد ميخا أتجنن ...... شوفه بيقول إيه .
- يونان / سيبه يقول اللي عايزه ..... هو فاكر نفسه إيه ....... هو بس اللي عارف ربنا
- ميخا / أبعدوا ... اضرمونى بالكفر ... أعزلوني .... بس عمركم ما هاتقدروا تجاوبوني على أسئلتي
أيمان أعمى .... وقبل ما أمشى عايز أقلكم ...ز ( بقوة ) لو هو دا الإله .... أنا مش عايزه ...سلام
يونان / ( يصرخ ) يا كافر ... يا فاسق ....... اله ها يعقبك .... أنت فى النار ..... هو دا مكانك .
- ناثان / أنت من أهل الجحيم .... يا ..... يا .... إبليس
- ميخا / مش قولتلكم أصبحتم فى لحظة مكان ألهكم فى تحديد وإصدار الأحكام على الآخرين ... هو دا الإله اللي انتم عايزينه ... يكون ليكم .... الرب معكم...
- يونان / أمشى من قدامى لقتلك .
- ميخا / ( بسخرية ) وعلى إيه سيب ألهكم يقوم بالمهمة دي بدلا منك ... أحسن ما توسخ أيدك

* يتركهم ميخا .... يتجه ناثان إلى يونان
- ناثان / وأنت هتعمل إيه .
- يونان / هاهرب طبعاً ..... أنا مستحيل اعمل حاجة زى دي ....... أنا اللي فاهم ربنا صح.
- ناثان / ريحة قلبي ..... كنت فأكرك هتتجن زيه ..... اسيبك أنا طول ما اطمئنيت عليك .

* يربع أو يستلقى يونان تحت شجرة وفجأة .
- يونان / إيه داه ..... امتى ظهرت الشجرة دي .... دا أنا كنت هنا امبارح ومكانتش قاعدة ، مين اللي جابها هنا .
* تبدأ الشجرة فى الارتفاع أكثر تدريجياً.
- يونان / شكراً يأرب ..... سبحان الله ..... فينك يا ميخا كنت تشوف ازاى ربنا بيخاف علينا وبيحبنا اكتر من الباقيين وبيحامى عنا كمان ضدهم ..... شكراً يأرب ...... أنا فعلاً كنت محتاج الضلة عشان الشمس الجامدة النهاردة ...... شكراً يأرب .
- يونان / (يفكر) ازاى ......ازاى.....بس يأرب تطلب منى حاجة زى دي .....هوا أنت مش عارفهم ...... وعارف اللي عملوه فينا .
- الضمير / ربنا طرقه كتيرة ، أه من حقك تغضب ...... لكن لازم تفهم كويس إلى بيطلبه منك .
- يونان / أنا أموت ...... وألا اعمل حاجة زى دي .
- الضمير / تخيل أنت من شدة كرهك ليهم مش عايز تساعدهم ..... تخيل بقى ربنا بيحبهم زى درجة كرهك ليهم ........ بس بحب ..... يبقى هيعمل معاهم إيه.
- يونان / بس دول مش شعبه .
- الضمير / لا شعبه........ مش هوا اللي أداهم نسمة الحياة ......... يبقى ازاى مش شعبه .
- يونان / ايوه ........بس .
- الضمير / ميخا حاول يفهمك ..... بس أنت اصاريت تفهم ربنا زى ما أنت عايز ....داود قال ( الرب حنان ورحيم ، بطيء الغضب ووافى الرأفة ، الرب يغمر الجميع بصلاحه )
- يونان / ايوه ......... بس يعنى ............. لا .
* فجأة تسقط الشجرة ويقع يونان على ظهره .
- يونان / إيه داه ..... ليه كده ..... ما كانت حمياني من الشمس ..... ليه كده يأرب أنت ما بتحبش عبدك ولا إيه .
* يبدأ ريح شديد .
- يونان / وكمان هواء بارد ..... أرجوك يا رب ..... الدنيا برد .... ارحمني .
* صوت خارجي يمثل الله يقول
- الله / أنت من حقك تغضب عشان الشجرة والهوا ؟
- يونان / أنا محق فى غضبى لغاية موتى .
- اللـه / أنت أشفقت على الشجرة اللي ما تعبتش فيها .... لا فى تربيتها ولا نموها ، الشجرة اللي
ظهرت فى ليلة ، واختفت فى ليلة ، وأنت مش عايز تشفك على نينوى المدينة العظيمة ، اللي جواها
اكتر من 120000 ألف شخص .... ألف شخص ما يعرفوش يميزوا بين يمينهم وشمالهم ، دا غير
البهائم وحاجات كتيرة تأنى .
* يونان يبكى بحرقة ثم ينهض ويقول - يونان / احمد الرب بكل قلبي ، أحدث بجميع معجزاته ، افرح بك وابتهج ، كما تشتاق ألام إلى بنيها ،
هكذا يشتاق الله إلى بنيه . يا أهل نينوى ، الرب مخلص ..... يطلب منكم العودة إلى مراحمه ، استيقظي يا نينوى .... ارتدى ثيابك ، .... الله الحب .... الرحيم المترأف يدعوكى إلى حضنه ، فأكلي عسل كلامه ... واشتاقي إلى لقائه .
الفصل التالي ....
هل نحن نفهم الله على حقيقته , ؟ لماذا نأخذ موقف الله فى إصدار الأحكام على الآخرين ؟
هل من حقي أسئل أهم أعيش على إيمان أعمى؟
هل الله عنصري فى اختياراته و تصرفاته ؟
اله من هذا الإنسان أم اله السماوات ؟



#ماريو_أنور (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- الفصل الثانى مسرحية عدو المسيح المثيرة للجدل
- الفضيلة من الداخل أم من الخارج
- عرض مسرحية عدو المسيح المثيرة للجدل
- تربية الطفل الموهوب
- الأخطاء فى زمن المحتالين
- سوء الحظ……………….Bad luck
- الحسد
- الغيرة
- عام جديد على وجودى
- الخطيئة والتجسد
- أربع لوحات فى القصر القديم
- ما هو الوحى ؟؟
- الإسلام والمسيحية: نقاط تلاقي
- إشكاليّة الاعتراف بالآخر
- الميلاد ومسألة الظهور الإلهي في المسيحية والإسلام
- في مجتمع متعدّد الأديان
- العروبة والإسلام
- هل ظروف العلاقة الزوجيّة اليوم
- -المرأة في الإعلام والإعلان-
- أيهما أهمّ العلمنة أم الإيمان؟ أم الثاني يتبع الأول؟


المزيد.....




- أزمة الفن والثقافة على الشاشة وتأثيرها على الوعي المواطني ال ...
- -كائناتٌ مسكينة-: فيلم نسوي أم عمل خاضع لـ-النظرة الذكورية-؟ ...
- مصر.. الفنان بيومي فؤاد يدخل في نوبة بكاء ويوجه رسالة للفنان ...
- الذكاء الاصطناعي يعيد إحياء صورة فنان راحل شهير في أحد الأفل ...
- فعالية بمشاركة أوباما وكلينتون تجمع 25 مليون دولار لصالح حمل ...
- -سينما من أجل غزة- تنظم مزادا لجمع المساعدات الطبية للشعب ال ...
- مشهور سعودي يوضح سبب رفضه التصوير مع الفنانة ياسمين صبري.. م ...
- NOW.. مسلسل قيامة عثمان الحلقة 154 مترجمة عبر فيديو لاروزا
- لماذا تجعلنا بعض أنواع الموسيقى نرغب في الرقص؟
- فنان سعودي شهير يعلق على مشهد قديم له في مسلسل باللهجة المصر ...


المزيد.....

- لا ميّةُ العراق / نزار ماضي
- تمائم الحياة-من ملكوت الطب النفسي / لمى محمد
- علي السوري -الحب بالأزرق- / لمى محمد
- صلاح عمر العلي: تراويح المراجعة وامتحانات اليقين (7 حلقات وإ ... / عبد الحسين شعبان
- غابة ـ قصص قصيرة جدا / حسين جداونه
- اسبوع الآلام "عشر روايات قصار / محمود شاهين
- أهمية مرحلة الاكتشاف في عملية الاخراج المسرحي / بدري حسون فريد
- أعلام سيريالية: بانوراما وعرض للأعمال الرئيسية للفنان والكات ... / عبدالرؤوف بطيخ
- مسرحية الكراسي وجلجامش: العبث بين الجلالة والسخرية / علي ماجد شبو
- الهجرة إلى الجحيم. رواية / محمود شاهين


المزيد.....
الصفحة الرئيسية - الادب والفن - ماريو أنور - الفصل الثالث مسرحية عدو المسيح المثيرة للجدل