اتوسَّمنه الخير او گلنه

ميسون نعيم الرومي

الحوار المتمدن-العدد: 7732 - 2023 / 9 / 12 - 23:31
المحور: الادب والفن
    

-(بـغداد) المتمدنـَه عراقيه
ام گذله او تنوره اوترچيه
يالعطرچ نعناع اوعـَـنبر
اقرنفل قداح او جوريـّه
بـت سومر بابل آشور
متصير ابدا (عجميه)-
-(اوغاد) اوسـَـفله الجونـه
باگوچ اوصرتي سـَـبـْيه
دومچ يحبيبه عزيزه
ذلـّوچ او انتي أبيه
اوليداتچ رخصَوْ دمهم
احروب او بطاله او أميه
ممنوعات اوياهم جـَـتـْـنـَه
مدروسه الخطه صفويه
اشطوطچ عطشانه اوتبچي
مبيوعه الإيران او ترْكيّه
-(جيشچ) والچان ايخوف
والرتب الصارت رمزيه
اتوسمنه الخير او گلنه
إبن (الثوره)* والحريه
ثاريـّـك مبيوع امخلص
لذويل الجاره الشرقيه
بعت الفاو او (مينائـَه)-
للجاره انطيته هديه
چذاب اصْلي اتچذب
احچاياتك عوجه او محچيه
اتنيناك او گلنه بلكت!..
منبطح ابصوره سريه
اوراقك مكشوفه اتخجل
اعمالك للجاره وفيه
مبدأ (الحسين) الصاير
-(قيمه) او لطم اوتـَـسْـليـّه
اهجمتو الوطن ابعرفه
عملاء ابصوره علنيه
اقروْ التارخ اوشوفوْ..
يكنس باچر للهتـليه
يا وطني الدومك عالي
اوشعبه هويته اعْراقيّه
تزهي اوروده امشكله
اقليات او شيعه اوسنيه
الحكم المدني انريده
لا تبعيه اولا رجعيه
ايد ابإيد اونبني
وانعلي الرايه الوطنيه
--------------------------------------------------
(الثوره)* والحريه:-مناطق شعبية في بغداد
------------------------------------------
ســـبتمبر / 2023

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات