ميسون نعيم الرومي
الحوار المتمدن-العدد: 7589 - 2023 / 4 / 22 - 01:13
المحور:
الادب والفن
اهـنا يغـيمه التمـر- بالصيـف .. مامطـرت
شتلة دغل جتنه لفو- كل العمر..ما وردت
مثل الحفر بيده الصخر- لا جابت او..لاودت
اهنا يمن
لتجرب امجرب أبد - تنددم تعض ابإيـدك
لعوج أبـد ما ينعدل - ما ينصلح .. ميفيدك
يتحايل اشكال الحيل - والغايه منها..ايصيدك
اهنا يمن
الخاين أبـْـداً ما وفه - والغدر طبعه..اوثوبه
يتستر ابدين اودمع - يحلف يگـول..التوبه
يلعب لعب ما ينحمل - وانت تصير الطوبه
اهنا يمن
لو صدگت مرَّه الچذب - مقبوله .. من طيبك
وانوبه لو صدگت - تستاهل اللي يصيبك
مهضوم تشبع قهر- امحسرتعيش .. ابغيضك
اهنا يمن
راح العمر احسب ولك - واسنين فوگ اسنينك
ما ينفع المال اوذهب - والأرصده متعينك
تلهط اوتجمع سحت - فكر.. التالي .. وينك؟
اهنا يمن
----------------------------------------------------
ســـــــــــــــــــــــتوكهولم
24 / نيسان / 2023
#ميسون_نعيم_الرومي (هاشتاغ)
كيف تدعم-ين الحوار المتمدن واليسار والعلمانية
على الانترنت؟