قصيدة طول عمرى ساكت ولبست السكات جاكت قلنا تيس قالوا احلبوة

محمود العياط
(Mahmoud El Ayat)

الحوار المتمدن-العدد: 7496 - 2023 / 1 / 19 - 02:09
المحور: الادب والفن
    

قصيدة
طول عمرى
ساكت
ولبست السكات
جاكت
قلنا تيس
قالوا احلبوة

تعبنا مع الناس
ووصلت للاخر
بقينا اسوء
من الوسواس
قالوا مين
عايزك ياسيدى
اللى يعزوة
حيندهوة
قلنا تيس
قالوا احلبوة
فيةناس
مؤدبة
وناس متعلمة
وناس عايزة
سلمة
لقينا البشر
انوع واللى يكتب
باليمين فية
اللى يكتب
بالشمال
ناس فيهم القبح
جمال
وناس فية الجمال
جمال
وناس فيهم الجمال
قبح
وناس بينهم
بيستفيدوا
شوية ربح
وناس اللى باتوا
فية ينسوة
فى الصبح
وناس اللى يباتوا
فية ماينسوة
قلت فى صغرى
اللى يكتب
بالشمال اضربوة
وعذبوة
والجميل مايعرف
قيمتة جننوة
واللى يدوم
على حالة
طنشوة
نصايح والناس
مش فاضية
مافى وقت
عند حدة
ماكنت اعرف
ان الناس
حالهم كدة
ووضعهم كدة
واللى عايزين
يدخلوة
وبالحلال بيدخلوة
لقيت نفسى
من كتر النصايح
بقيت عادة
والعادة كل يوم
قهوة سادة
اترينى لما سكت
كان فية ناس
بتنصح
كتار
عملوها
احاديث
واغنية
غنوها بجيتار
حتى الناس
مش عجبهم امرى
عبت الخلق
عابونى
دوبتهم زمان
راح دوبونى
قلت ياود
خليك مع نفسك
مفيش فايدة
نفسى اللى
فرحانة بيا
وعايدة
لقيت النصايح
ليا كوم متعرم
ولقيت الحياة
مدرسة وبنتعلم
سمعت كتير
طول عمرى
ساكت
ولبست السكات
جاكت
اترية مخزون
فى القلب
متكوم
بيزيد يوم
بعد يوم
ولقيتنى ممكن
اكتر واحد
ممكن يتكلم
واكتب واكتب
وطول عمرى
بتكلم
الناس بتدارى
العيبة
وبتدارى الغيبة
عاملة هيبة
وبتدارى العصبية
بعيد وهى بتسوق
العربية
وسر البشر
معشوق فى الشرف
قوم الشرف المجهول
راح لسلوكيات
الناس جرف
صرخات الحياة والجبر
مرهونة بالصبر
والصح عندهم
مايعرفهوش
عند صيحات
الببر
اللى فيهم
يكفيهم
ويغضبوا لية
واللى فى غيرهم
يزودوة
اكتر مابيحسوا بية
الناس عايشة
فى هم
بعض العقول
اللى عقلة
صغير ويخطط
وبالبدروم
والفشل يزغطط
واللى طمعان
فى شئ
ويخطط
وناس ماشية
كدة لا بتفكر
ولابتخطط
الناس عميانة
تغضب من الاسود
علشان بتفترس
البقر
والناس بالسكاكين
بتدبحها
وتقول احسن
من عقر
الناس بتتباهى
باى شئ
الناس بتتباهى
انها بتموت
وعملوا مواويل
الناس مظلومة
لما تلقى
الدموع
على الجبابين
تملى المناديل
فية ناس
جشعة راسمالية
ممكن برضة
ماتنفع نفسها
وفية ناس راسمالية
بتخدم بعضها
وفية ناس
غلابة
بتجور عليهم الدنيا
ويدوسهم القطر
عند اول
قضبان
واول سطر
وفية ناس
بتزعل
وفية ناس
بتفرح
عند نزول المطر
وفية ناس
بتمرض وتموت
وناس تخف وتشفى
عند صيحات الخطر
وفية ناس
تقبل الصلح
وناس ماتتصلح
انا يااخونا
مابعرفش الناس
ولا اكرة البشر
من ديوان
صوتى من عهد مينا

#محمود_العياط (هاشتاغ)       Mahmoud_El_Ayat#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل